HIGHLIGHTS : Snowfall in Munnar
മൂന്നാര് : തെക്കിന്റെ കശ്മീരായ മൂന്നാര് അതി ശൈത്യത്തിലേക്ക് നീങ്ങുന്നു. ഏറ്റവും കുറഞ്ഞ താപനില പൂജ്യം ഡിഗ്രി സെല്ഷ്യസിലെത്തി. മിക്കയിടങ്ങളിലും മഞ്ഞ് വീഴ്ചയുണ്ടായി. കണ്ണന്ദേവന് കമ്പനി ചെണ്ടുവര എസ്റ്റേറ്റ് ലോവര് ഡിവിഷനിലാണ് ഈ വര്ഷത്തെ ഏറ്റവും കുറഞ്ഞ താപനിലയായ പൂജ്യം ഡിഗ്രി സെല്ഷ്യസിലെത്തിയത്.
സൈലന്റ് വാലി, കുണ്ടള, ലക്ഷ്മി, മൂന്നാര് ടൗണ്, ദേവികുളം ഒഡികെ, കന്നിമല തുടങ്ങിയ പ്രദേശങ്ങളില് കുറഞ്ഞ താപനില രണ്ട് ഡിഗ്രി സെല്ഷ്യസ് രേഖപ്പെടുത്തി. മാട്ടുപ്പെട്ടി ആര് ആന്ഡ് ഡിയില് -3, രാജമലയില് –7, തെന്മലയില് –8 ഡിഗ്രി എന്നിങ്ങിനെയാണ് കുറഞ്ഞ താപനില.
എന്നാല് പള്ളിവാസല് എസ്റ്റേറ്റില് കുറഞ്ഞ താപനില -15 ഉം വാഗവര എസ്റ്റേറ്റില് കുറഞ്ഞ താപനില 11 ഡിഗ്രി സെല്ഷ്യസുമാണ് രേഖപ്പെടുത്തിയത്. ക്രിസ്മസ്, പുതുവത്സരം പ്രമാണിച്ച് മൂന്നാറില് സഞ്ചാരികളുടെ വന് തിരക്കാണ് അനുഭവപ്പെടുന്നത്.
കഴിഞ്ഞ ജനുവരി ആദ്യ ആഴ്ചയില് താപനില കുറഞ്ഞ് മൈനസ് രണ്ട് വരെ എത്തിയിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
