തിരുവനന്തപുരം: വയനാട്ടിലെ ഉരുള്പൊട്ടല് ദുരന്തമുണ്ടായ പ്രദേശത്ത് ശാസ്ത്രജ്ഞര്ക്ക് വിലക്കേര്പ്പെടുത്തിക്കൊണ്ടുള്ള സംസ്ഥാന ദുരന്ത നിവാരണ അതോറിറ്റി പ്രിന്സിപ്പല് സെക്രട്ടറിയുടെ വിവാദ സര്ക്കുലര് പിന്വലിച്ചു. ഇത്തരമൊരു നിര്ദേശം അതോറിറ്റി നല്കിയെന്ന വാര്ത്ത തെറ്റിദ്ധാരണക്കിടയാക്കുന്നതിനാല് പിന്വലിക്കാന് ആവശ്യപ്പെട്ടതായി മുഖ്യമന്ത്രി പിണറായി വിജയന് വ്യക്തമാക്കി.
മേപ്പാടി പഞ്ചായത്ത് ദുരന്ത മേഖലയായി പ്രഖ്യാപിച്ചിരിക്കുന്ന സാഹചര്യത്തില് അവിടം സന്ദര്ശിക്കരുതെന്നും അഭിപ്രായം പറയരുതെന്നുമായിരുന്നു ശാസ്ത്രജ്ഞന്മാര്ക്കുള്ള നിര്ദേശം. സംസ്ഥാന ദുരന്ത നിവാരണ അതോറിറ്റി ഇതുസംബന്ധിച്ച ഉത്തരവ് ശാസ്ത്ര സാങ്കേതിക കൗണ്സിലിന് കൈമാറുകയായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
