കൂട്ടിലങ്ങാടി ഗ്രാമ പഞ്ചായത്തിലെ 16 സ്കൂളുകളെയും പടിഞ്ഞാറ്റുമുറി ടൗണും പുകയില രഹിത കേന്ദ്രങ്ങളായി പ്രഖാപിച്ചു. ടോബാക്കോ ഫ്രീ യൂത്ത് ക്യാമ്പയിന്റെ ഭാഗമായാണ് പ്രഖ്യാപനം നടന്നത്. ഫസ്ഫരി ഓപ്പൺ ഓഡിറോറിയത്തിൽ നടന്ന പ്രഖ്യാപന സമ്മേളനം മഞ്ഞളാം കുഴി അലി എം എൽ എ ഉദ്ഘാടനം ചെയ്തു.
പ്രഖ്യാപനത്തോടനുബന്ധിച്ച് വിദ്യാർത്ഥികൾ ,പൊതുജനങ്ങൾ, ക്ലബുകൾ , വ്യാപാരികൾ , ജനപ്രതിനിധികൾ, ആരോഗ്യ, ആശപ്രവർത്തകർ എന്നിവർ പങ്കെടുത്ത വിളംബരജാഥ നടന്നു. ചടങ്ങിൽ ഗ്രാമ പഞ്ചായത്ത് പ്രസിഡൻറ് അബ്ദുൽ മജീദ് ആലുങ്കൽ അദ്യക്ഷത വഹിച്ചു .
എൻ സി ഡി നോഡൽ ഓഫീസർ ഡോ. ഫിറോസ്ഖാൻ പുകയില വിരുദ്ധ സന്ദേശം നൽകി. ടെക്നിക്കൽ അസിസ്റ്റന്റ് സുരേഷ്കുമാർ സി.കെ മുഖ്യപ്രഭാഷണം നടത്തി, ടെക്നിക്കൽ അസിസ്റ്റൻറ് വി.വി ദിനേഷ് പുകയിലരഹിത പ്രതിജ്ഞ നിർവഹിച്ചു. ആരോഗ്യ വകുപ്പിലെ വിവിധ ഉദ്യോഗസ്ഥർ, പഞ്ചായത്ത് പ്രതിനിധികൾ തുടങ്ങിയവർ സംബന്ധിച്ചു.
