സൗദിയില്‍ വാഹനാപകടത്തില്‍ പെരുവള്ളൂര്‍ സ്വദേശികളായ ഒരു കുടുംബത്തിലെ മൂന്ന്‌ പേര്‍ മരിച്ചു

 മലപ്പുറം പെരുവള്ളൂർ ചാത്രത്തൊടി സ്വദേശി തൊണ്ടിക്കോടൻ അബ്ദുൾ റസാഖ് (49), ഭാര്യ ഫാസില, മകൾ ഫാത്തിമ റസാൻ എന്നിവരാണ് മരിച്ചത്. കൂടെ യാത്ര ചെയ്ത ഫാത്തിമ റോണ( 10)ക്ക് പരുക്ക് പറ്റിയിട്ടുണ്ട്.. മക്കാ മദീന ഹൈവേയിൽ മദീനയിൽ നിന്ന് 140 കിലോമീറ്റർ അകലെ അംന എന്ന സ്ഥലത്ത് വച്ചാണ് അപകടമുണ്ടായത്.

താഇഫിലായിരുന്നു റസാഖ് ജോലി ചെയ്തിരുന്നത്.  മദീന സന്ദർശനം കഴിഞ്ഞ് തായ്ഫിലേക്ക് മടങ്ങുകയായിരുന്ന മലയാളി കുടുംബം സഞ്ചരിച്ച കാറാണ് അപകടത്തിൽപെട്ടത്.