തിരുവനന്തപുരം: ടി20 ലോകകപ്പിലെ ഹീറോ മലയാളി താരം സഞ്ജു സാംസന് ജന്മനാട്ടില് വൻ വരവേൽപ്പ് . ഇന്ന് വൈകിട്ട് ആറ് മണിയോടെയാണ് സഞ്ജു തിരുവനന്തപുരത്ത് സ്വന്തം നാട്ടില് വിമാനമിറങ്ങിയത്. മന്ത്രി വി ശിവന്കുട്ടി, എംപി എ എ റഹീം എന്നിവരും സഞ്ജുവിനെ സ്വീകരിക്കാന് എത്തിയിരുന്നു. ഇന്ത്യന് ഓപ്പണരെ സ്വീകരിക്കാന് ആയിരങ്ങള് വിമാനത്താവളത്തില് തടിച്ചുകൂടിയിരുന്നു. വരും ദിവസങ്ങളില് വലിയ സ്വീകരണങ്ങള് സഞ്ജുവിനെ കാത്തിരിക്കുന്നുണ്ട്. സംസ്ഥാന സര്ക്കാര് ഔദ്യോഗിക സ്വീകരണം നല്കും. തിരുവനന്തപുരത്തായിരിക്കും സ്വീകരണം നല്കുകയെന്ന് ശിവന്കുട്ടി അറിയിച്ചു.
നിങ്ങളുടെയെല്ലാം പ്രാര്ത്ഥനകൊണ്ടാണ് ഇത്തരത്തില് ഒരു ഫലം കിട്ടിയതെന്നും ഇതൊരു വലിയ ഉത്തരവാദിത്തമായി ഞാന് കരുതുന്നുവെന്നും സഞ്ജു വ്യക്തമാക്കി. നിങ്ങളെല്ലാവും വലിയ രീതിയില് പിന്തുണച്ചുവെന്നും സഞ്ജു പറഞ്ഞു. ലോകകപ്പ് റണ്വേട്ടയില് വെറും അഞ്ച് മത്സരങ്ങള് കളിച്ചാണ് 321 റണ്സുമായി സഞ്ജു ഇന്ത്യയുടെ ടോപ് സ്കോററായത്.
സിംബാബ്വെക്കിതെരായ മത്സരത്തില് 15 പന്തില് 24 റണ്സെടുത്ത് ടീമിന് നല്ല തുടക്കമിട്ട സഞ്ജു വെസ്റ്റ് ഇന്ഡീസിനെതിരായ നിര്ണായക മത്സരത്തില് 50 പന്തില് 97 റണ്സെടുത്ത് പുറത്താകാതെ നിന്ന് ടീമിന് സെമിയിലെത്തിച്ചു.
സെമിയില് ഇംഗ്ലണ്ടിനെതിരെ 42 പന്തില് 89 റണ്സെടുത്ത് ഒരിക്കല് കൂടി ടോപ് സ്കോററായ സഞ്ജു ഫൈനലില് 44 പന്തില് 89 റണ്സെടുത്ത് തുടര്ച്ചയായ മൂന്ന് മാച്ച് വിന്നിംഗ് ഇന്നിംഗ്സുകളോടെ ടൂര്ണമെന്റിന്റെ താരമായി തെരഞ്ഞെടുക്കപ്പെട്ടത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
