HIGHLIGHTS : Sandhya Devanathan is the new Indian head of Meta
ഫെയ്സ്ബുക്ക് മാതൃസ്ഥാപനമായ മെറ്റ, സന്ധ്യ ദേവനാഥനെ ഇന്ത്യയിലെ പുതിയ ബിസിനസ്സ് മേധാവിയായി നിയമിച്ചു. മെറ്റയുടെ ബിസിനസ്സ്, വരുമാന മുന്‍ഗണനകള്‍ ഉയര്‍ത്തുന്നതിനൊപ്പം ദീര്‍ഘകാല വളര്‍ച്ചയെ പിന്തുണയ്ക്കാനും സന്ധ്യ ദേവനാഥിന് ചുമതലയുണ്ടാകും. 2023 ജനുവരി 1 നായിരിക്കും സന്ധ്യ ദേവനാഥ് ചുമതലയേല്‍ക്കുക.
2016-ല്‍ മെറ്റയില്‍ ചേര്‍ന്ന സന്ധ്യ ദേവനാഥന് സിംഗപ്പൂര്‍, വിയറ്റ്‌നാം ബിസിനസുകളും ടീമുകളും അതുപോലെ തെക്കുകിഴക്കന്‍ ഏഷ്യയിലെ മെറ്റയിലെ ഇ-കൊമേഴ്സ് സംരംഭങ്ങളും കെട്ടിപ്പടുക്കാന്‍ സഹായിച്ചു. തന്റെ പുതിയ പദവിയില്‍, സന്ധ്യ ദേവനാഥന് മെറ്റാ ഏഷ്യ-പസഫിക്കിലെ വൈസ് പ്രസിഡന്റ് ഡാന്‍ നിയറിക്ക് റിപ്പോര്‍ട്ട് ചെയ്യും.
2020-ല്‍, ആഗോളതലത്തില്‍ മെറ്റയുടെ ഏറ്റവും വലിയ നിക്ഷേപ മേഖലയായ ഏഷ്യ-പസഫിക് മേഖലയില്‍ കമ്പനിയുടെ മുന്നേറ്റത്തിന് നേതൃത്വം നല്‍കാന്‍ സന്ധ്യ ദേവനാഥന് കഴിഞ്ഞു. തൊഴില്‍ രംഗത്ത് സ്ത്രീകളുടെ നേതൃത്വത്തെ പ്രതിനിധ്യത്തെ കുറിച്ച് ശബ്ദമുയര്‍ത്തുന്ന വ്യക്തിയാണ് സന്ധ്യ ദേവനാഥന്. മെറ്റായിലെ വിമന്‍@എപിഎസിയുടെ എക്സിക്യൂട്ടീവ് സ്പോണ്‍സറാണ് സന്ധ്യ. മെറ്റയുടെ ഗെയിമിംഗ് വ്യവസായത്തിലെ പ്രാതിനിധ്യം മെച്ചപ്പെടുത്തുന്നതിനുള്ള ആഗോള മെറ്റാ സംരംഭമായ പ്ലേ ഫോര്‍വേഡിന്റെ ലീഡുമാണ് സന്ധ്യ.
