malabarinews

Section

malabari-logo-mobile

വളര്‍ത്തുനായക്കൊപ്പം നടക്കാന്‍ സ്റ്റേഡിയം ഒഴിപ്പിച്ച ഐഎഎസ് ദമ്പതികള്‍ക്ക് സ്ഥലം മാറ്റം

HIGHLIGHTS : Relocation of IAS couple who vacated the stadium to walk with their pet dog

sameeksha-malabarinews
വളര്‍ത്തുനായയ്ക്കൊപ്പം സായാഹ്ന സവാരി നടത്തുന്നതിനു സ്റ്റേഡിയം ഒഴിപ്പിച്ച ഐഎഎസ് ദമ്പതികളെ സ്ഥലം മാറ്റി. 1994 ബാച്ച് ഐഎഎസ് ദമ്പതിമാരായ സഞ്ജീവ് ഖിര്‍വാര്‍, റിങ്കു ദുഗ്ഗ ദമ്പതിമാരെയാണ് സ്ഥലം മാറ്റിയത്. തങ്ങളുടെ വളര്‍ത്തുനായയെ നടത്തിക്കാനായി ഇവര്‍ ദില്ലി സര്‍ക്കാരിന് കീഴിലുള്ള ഡല്‍ഹി ത്യാഗരാജ് സ്റ്റേഡിയം ഒഴിപ്പിച്ചത് വിവാദമായിരുന്നു. ഇതിനു പിന്നാലെയാണ് ഇരുവരെയും ഡല്‍ഹി സര്‍ക്കാര്‍ സ്ഥലം മാറ്റിയത്.

പരിശീലനം നടത്തുകയായിരുന്ന കായികതാരങ്ങളോട് സ്റ്റേഡിയം ഒഴിയാന്‍ ആവശ്യപ്പെട്ട ദമ്പതിമാര്‍ തങ്ങളുടെ വളര്‍ത്തുനായക്കൊപ്പം ഇവിടെ നടക്കുകയായിരുന്നു. സാധാരണ 8.30 വരെ തങ്ങള്‍ ഇവിടെ പരിശീലനം നടത്താറുണ്ടായിരുന്നു എന്നും എന്നാല്‍, ഇവര്‍ 7 മണിക്ക് തങ്ങളോട് പരിശീലനം അവസാനിപ്പിക്കാന്‍ ആവശ്യപ്പെടുകയായിരുന്നു എന്നും കായികതാരങ്ങള്‍ പ്രതികരിച്ചു. തങ്ങളുടെ വളര്‍ത്തുനായക്കൊപ്പം സ്റ്റേഡിയത്തിലെ അത്ലറ്റിക് ട്രാക്കിലൂടെ നടക്കുന്ന ഖിര്‍വാറിന്റെയും ഭാര്യയുടെയും വിഡിയോ സമൂഹമാധ്യമങ്ങളില്‍ പ്രചരിച്ചു. ഇതിനു പിന്നാലെയാണ് ഇരുവര്‍ക്കുമെതിരെ നടപടി എടുത്തത്.

ഡല്‍ഹി പ്രിന്‍സിപ്പല്‍ സെക്രട്ടറിയായി ജോലി ചെയ്തിരുന്ന സഞ്ജീവ് ഖിര്‍വാറിനെ ലഡാക്കിലേക്ക് സ്ഥലം മാറ്റി. ലാന്‍ഡ്‌സ് ആന്‍ഡ് ബില്‍ഡിംഗ്‌സ് സെക്രട്ടറി റിങ്കുവിനെ അരുണാചല്‍ പ്രദേശിലേക്കും മാറ്റി.

Share news
English Summary :
വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക