കേരളത്തില് ജോലി ചെയ്യുന്ന അതിഥി തൊഴിലാളികള്ക്ക് സംസ്ഥാനത്തുനിന്ന് റേഷന് വാങ്ങുന്നതിന് അവസരം നല്കുന്ന ഭക്ഷ്യ പൊതുവിതരണ വകുപ്പിന്റെ റേഷന് റൈറ്റ് കാര്ഡ് പദ്ധതിക്കു തുടക്കമായി. പെരുമ്പാവൂര് ടൗണില് ഗാന്ധിസ്ക്വയറില് നടന്ന ചടങ്ങില് ഭക്ഷ്യ-പൊതുവിതരണ വകുപ്പു മന്ത്രി ജി. ആര്. അനില് ഉദ്ഘാടനം നിര്വഹിച്ചു.
ഒരു രാജ്യം ഒരു റേഷന് കാര്ഡ് പദ്ധതിയില് ഉള്പ്പെടുത്തിയാണ് പദ്ധതി നടപ്പിലാക്കുന്നത്. ഹിന്ദി, തമിഴ്, കന്നട, ആസാമീസ്, ബംഗാളി, ഒഡിയ എന്നീ ഭാഷകളിലാണ് റേഷന് റൈറ്റ് കാര്ഡ് തയ്യാറാക്കിയിട്ടുള്ളത്. ഈ പദ്ധതി നടപ്പിലാക്കുന്നതിലൂടെ അതിഥി തൊഴിലാളികള്ക്ക് വിതരണം ചെയ്യുന്ന ഭക്ഷ്യധാന്യങ്ങളുടെ അളവ് കേന്ദ്ര സര്ക്കാരില് നിന്നും കേരളത്തിന് ആവശ്യപ്പെടാന് സാധിക്കും. കഴിഞ്ഞ മാസം ഡല്ഹിയില് കേന്ദ്ര പൊതുവിതരണ വകുപ്പുമന്ത്രിമാരുമായി ഭക്ഷ്യ-പൊതുവിതരണ വകുപ്പുമന്ത്രി ജി. ആര്. അനില് നടത്തിയ കൂടിക്കാഴ്ചയിലാണ് ഈ നിര്ദ്ദേശം ഉയര്ന്നുവന്നത്. ആധാര് കൈവശമുള്ളവര്ക്കു മാത്രമേ ഈ സൗകര്യം ലഭിക്കൂ. എല്ദോസ് കുന്നപ്പിള്ളി എം.എല്.എ അധ്യക്ഷനായിരുന്നു. പെരുമ്പാവൂര് മുനിസിപ്പല് ചെയര്മാന് ബിജു ജോണ് ജേക്കബ്, കുറുവപ്പാടി ബ്ലോക്ക് പഞ്ചായത്ത് പ്രസിഡന്റ് ബേസില് പോള്, വാഴക്കുളം ബ്ലോക്ക് പഞ്ചായത്ത് പ്രസിഡന്റ് അന്വര് അലി, മറ്റ് ജനപ്രതിനിധികള് എന്നിവര് പങ്കെടുത്തു. ഭക്ഷ്യ-പൊതുവിതരണ വകുപ്പ് കമ്മിഷണര് ഡോ. സജിത് ബാബു സ്വാഗതവും എറണാകുളം ജില്ലാ സപ്ലൈ ഓഫീസര് സഹീര് നന്ദിയും പറഞ്ഞു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
