കല്പ്പറ്റ: രാഹുല് ഗാന്ധിയുടെ വയനാട്ടിലെ എം പി ഓഫീസിന്റെ ടെലിഫോണ്, ഇന്റര്നെറ്റ് കണക്ഷനുകള് ബി എസ് എന് എല് വിച്ഛേദിച്ചു. രാഹുല് ഗാന്ധി എം പി സ്ഥാനത്ത് നിന്ന് അയോഗ്യനായതോടെയാണ് നടപടിയെന്ന് ബി എസ് എന് എല് അറിയിച്ചു. അയോഗ്യനാക്കിയുള്ള തീരുമാനം കോടതിയുടെ പരിഗണനയിലിരിക്കെ ധൃതിപിടിച്ചു നടത്തുന്ന ഇത്തരം നീക്കങ്ങള് ജനാധിപത്യത്തോടുള്ള വെല്ലുവിളിയാണെന്ന് ജില്ലാ കോണ്ഗ്രസ് കമ്മിറ്റി കുറ്റപ്പെടുത്തി.
അതേസമയം രാഹുല് ഗാന്ധി വയനാട്ടുകാര്ക്ക് എഴുതിയ കത്ത് വീടുകളില് വിതരണം ചെയ്ത് തുടങ്ങി. അഞ്ച് ദിവസത്തിനുള്ളില് മണ്ഡലത്തിലെ മുഴുവന് വീടുകളിലും കത്ത് എത്തിക്കാനുള്ള ശ്രമത്തിലാണ് യു ഡി എഫ് പ്രവര്ത്തകര്.
എല്ലാ പ്രതിസന്ധികളെയും ഒറ്റക്കെട്ടായി അതിജീവിച്ച് മുന്നോട്ടു നടക്കണമെന്ന് രാഹുല് ഗാന്ധി കത്തില് ചൂണ്ടിക്കാട്ടി. കത്തിന് പിന്നാലെ രാഹുല് വയനാട്ടിലേക്ക് എത്തുന്നുണ്ട്. ഈ മാസം 11 നാകും രാഹുല് വയനാട്ടിലെത്തുക. അന്നേദിവസം വയനാട് മണ്ഡലത്തില് രാഹുലിന് വന് സ്വീകരണം ഒരുക്കാനാണ് യു ഡി എഫ് തീരുമാനം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
