തിരുവനന്തപുരം: കേരളത്തില് സ്വകാര്യ ബസ് ഉടമകള് അനിശ്ചിതകാല സമരത്തിലേക്ക്. നവംബര് 9 മുതല് അനിശ്ചിതകാല സമരം ആരംഭിക്കുമെന്ന് കേരള സ്റ്റേറ്റ് ബസ് ഓപ്പററ്റേഴ്സ് ഫെഡറേഷന് അറിയിച്ചു. ബസ് ചാര്ജ് വര്ധിപ്പിക്കാതെ മുന്നോട്ട് പോകാന് കഴിയില്ലെന്ന് ബസ് ഉടമകള് അറിയിച്ചു.
കൊവിഡ് സമയത്ത് യാത്രക്കാരുടെ എണ്ണത്തില് നിയന്ത്രണം ഏര്പ്പെടുത്തിയത് കണക്കിലെടുത്ത് കിലോമീറ്ററിന് 20 പൈസ വര്ധിപ്പിച്ചെങ്കിലും അത് പര്യാപ്തമല്ലെന്നാണ് ബസ് ഉടമകള് പറയുന്നത്. മിനിമം ചാര്ജ് 12 രൂപയെങ്കിലും ആക്കണമെന്നാണ് ബസുടമകള് ആവശ്യപ്പെടുന്നത്.
വിദ്യാര്ത്ഥികളുടെ മിനിമം യാത്രാനിരക്ക് 6 രൂപയാക്കുക, നികുതി ഇളവ് നല്കുക തുടങ്ങിയ ആവശ്യങ്ങളും ബസുടമകള് മുന്നോട്ട് വെക്കുന്നുണ്ട്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
