കൊച്ചി : ബിപിസിഎല് പെട്രോകെമിക്കല് പ്ലാന്റ് അടക്കമുള്ള വികസന പദ്ധതികള് രാജ്യത്തിന് സമര്പ്പിച്ച് പ്രധാനമന്ത്രി നരേന്ദ്രമോദി. മുഖ്യമന്ത്രി പിണറായി വിജയനും ഗവര്ണറുമടക്കമുള്ളവരെ സാക്ഷി നിര്ത്തിയാണ് ബിപിസിഎല്, കൊച്ചിന് നിഫൈനറീസ്, കൊച്ചി തുറമുഖം എന്നിവിടങ്ങളില് നടപ്പാക്കുന്ന 6100 കോടിയുടെ വികസന പദ്ധതികള് പ്രധാനമന്ത്രി ഉദ്ഘാടനം ചെയ്തത്.
മലയാളത്തില് നമസ്കാരം പറഞ്ഞുകൊണ്ടാണ് മോദി ഉദ്ഘാടന പ്രസംഗം ആരംഭിച്ചത്. വലിയ തൊഴിലവസരം സൃഷ്ടിക്കപ്പെടുന്ന് പദ്ധതികളാണ് ഇന്ന് ഉദ്ഘാടനം ചെയ്തതെന്ന് പ്രധാനമന്ത്രി പറഞ്ഞു.
വിനോദസഞ്ചാരവുമായി ബന്ധപ്പെട്ട പുതിയ പദ്ധതികള് വിഭാവനം ചെയ്യണമെന്ന് പ്രധാനമന്ത്രി യുവ സംരംഭകരോട് ആവശ്യപ്പെട്ടു . ആഗോള ടൂറിസം റാങ്കിംഗില് കഴിഞ്ഞ അഞ്ച് വര്ഷക്കാലത്തിനിടെ അറുപതില് നിന്ന് മൂപ്പതാം റാങ്കിലേക്ക് എത്തിയിട്ടുണ്ട്. അതുകൊണ്ട് ടൂറിസം മേഖലയില് ഇനിയും നമുക്ക് വളര്ച്ച കൈവരിക്കാന് സാധിക്കും എന്നും അദ്ദഹം പറഞ്ഞു.
