കോഴിക്കോട്: താമരശ്ശേരിയിലെ ഫ്രഷ് കട്ടിനെതിരായ പ്രതിഷേധത്തില് രണ്ട് കേസുകള് കൂടി രജിസ്റ്റര് ചെയ്ത്പൊലീസ്. കണ്ടാല് അറിയാവുന്ന 250 പേര്ക്കെതിരെയാണ് കേസ് ഫയല് ചെയ്തിരിക്കുന്നത്. ഫയര്ഫോഴ്സിന്റെ വാഹനം തടഞ്ഞതിനും ഫ്രഷ് കട്ടിന്റെ വാഹനം തടഞ്ഞുനിര്ത്തി കേടുപാടുകള്വരുത്തിയതിനും ആണ് കേസ്. ഫ്രഷ് കട്ട് പ്രതിഷേധത്തില് നേരത്തെ മൂന്ന് എഫ്ഐആറുകളിലായി 361 പേര്ക്കെതിരെ കേസെടുത്തിരുന്നത്. ഡിവൈഎഫ്ഐ കൊടുവള്ളി ബ്ലോക്ക് പ്രസിഡന്റും കൊടുവള്ളി ബ്ലോക്ക്പഞ്ചായത്ത് അംഗവുമായ ടി മെഹറൂഫാണ് ഒന്നാം പ്രതി. കലാപം സൃഷ്ടിക്കല്, വഴി തടയല്, അന്യായമായിസംഘം ചേരല് തുടങ്ങിയ വകുപ്പുകളിലായിരുന്നു കേസെടുത്തിരുന്നത്. സംഘര്ഷമുണ്ടാക്കിയതിലാണ് 321 പേര്ക്കെതിരെ കേസെടുത്തിരുന്നത്.
സംഘര്ഷത്തിന് പുറമെ ഫ്രഷ് കട്ട് അറവുമാലിന്യ സംസ്കരണ പ്ലാന്റിന് തീയിട്ട സംഭവത്തില് 30 പേര്ക്കെതിരെവധശ്രമത്തിന് പൊലീസ് കേസെടുത്തിരുന്നു. തൊഴിലാളികളെ കൊല്ലണമെന്ന ഉദ്ദേശത്തോടെ കണ്ടെയ്നര്ലോറി തീവെച്ച് നശിപ്പിച്ചുവെന്നും മാരകായുധങ്ങളും സ്ഫോടക വസ്തുക്കളും ഉപയോഗിച്ചുവെന്നുംഎഫ്ഐആറില് പറയുന്നുണ്ട്. പ്ലാന്റും വാഹനങ്ങളും കത്തിനശിപ്പിച്ചതില് ഫ്രഷ് കട്ടിന് അഞ്ച് കോടി രൂപയുടെനഷ്ടമാണ് കണക്കാക്കുന്നത്.
തിരുവമ്പാടി സ്റ്റേഷനിലെ എഎസ്ഐയെ മര്ദിച്ചതില് പത്തോളം പേര്ക്കെതിരെ കേസെടുത്തിട്ടുണ്ട്. മൊബൈലില് സംഘര്ഷത്തിന്റെ ദൃശ്യങ്ങള് ചിത്രീകരിച്ച എഎസ്ഐയെ അക്രമിച്ചെന്നും മൊബൈല് കവര്ച്ച ചെയ്തെന്നും എഫ്ഐആറില് പറയുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
