ദില്ലി:പിസി ചാക്കോ കോണ്ഗ്രസ് വിട്ടു. പാര്ട്ടിയില് ഉണ്ടായ അഭിപ്രായ വ്യാത്യാസങ്ങളെതുടര്ന്നാണ് രാജി. ഡല്ഹിയില് വാര്ത്താസമ്മേളനത്തിലാണ് രാജി പ്രഖ്യാപനം നടത്തിയത്. ഹൈകമാന്ഡില് ജനാധിപത്യമില്ലെന്നും പലതവണ കോണ്ഗ്രസിലെ പ്രശ്നങ്ങളെക്കുറിച്ച് പരാതിപ്പെട്ടിട്ടും പരിഹാരമായില്ലെന്നും അദേഹം പറഞ്ഞു.
സീറ്റുകള് എ ഗ്രൂപ്പും ഐ ഗ്രൂപ്പുമായി വീതം വെക്കുകയാണിവിടെയെന്നും അദേഹം പറഞ്ഞു.
നിയമസഭാ തെരഞ്ഞെടുപ്പിലെ സ്ഥാനാര്ത്ഥി നിര്ണയത്തിലെ കടുത്ത എതിര്പ്പാണ് രാജിക്ക് കാരണമായത്. ഡല്ഹയില് കേരളത്തിലെ നിയമസഭാ തെരഞ്ഞെടുപ്പുമായി ബന്ധപ്പെട്ട സ്ഥാനാര്ത്ഥി നിര്ണയചര്ച്ചകള് പുരോഗമിക്കുന്നതിനിടെയാണ് ചാക്കോയുടെ പടിയിറക്കം. തെരഞ്ഞെടുപ്പിനെ നേരിടാനൊരുങ്ങുന്ന കോണ്ഗ്രസിന് വലിയ തിരിച്ചടിയാകും.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
