തൃശൂര് ജില്ലയില് ഇന്ന് നഴ്സുമാര് പണിമുടക്കും. നൈല് ആശുപത്രിയിലെ നഴ്സുമാരെ എം.ഡി മര്ദിച്ച സംഭവത്തില് കര്ശന നടപടി ഉണ്ടാകാത്തതില് പ്രതിഷേധിച്ചാണ് സ്വകാര്യ ആശുപത്രികളിലെ നഴ്സുമാര് പണിമുടക്കുന്നത്.
ഇന്നലെയാണ് ഡോ. അലോകിനെതിരായ പരാതിക്ക് ആസ്പദമായ സംഭവമുണ്ടായത്. ആശുപത്രിയില് ഏഴ് വര്ഷമായി ജോലി ചെയ്യുന്ന നഴ്സിനും 10,000 രൂപയില് താഴെയാണ് ശമ്പളം ലഭിച്ചിരുന്നത്. ഇതിനെതിരെ കഴിഞ്ഞ ദിവസം നഴ്സുമാര് സമരം നടത്തിയിരുന്നു. സമരത്തിനിറങ്ങിയ ഏഴ് പേരെ ആശുപത്രി അധികൃതര് പിരിച്ചുവിട്ടു. ഇതുമായി ബന്ധപ്പെട്ടാണ് ലേബര് ഓഫീസില് ചര്ച്ച നടന്നത്.
ജില്ലാ ലേബര് ഓഫീസര് വിളിച്ച ചര്ച്ച കൈയ്യാങ്കളിയിലേക്ക് എത്തി. ചര്ച്ച വിട്ട് പുറത്തിറങ്ങാന് ഡോ. അലോക് തീരുമാനിച്ചതോടെ നഴ്സുമാര് പ്രതിരോധിച്ചു. മര്ദ്ദനത്തില് ഗര്ഭിണിയായ നഴ്സുമാര് ഉള്പ്പെടെ തൃശൂര് ജില്ലാ ആശുപത്രിയില് ചികിത്സ തേടിയിരുന്നു. സംഭവത്തില് പ്രതിഷേധിച്ച് യു.എന്.എയുടെ നേതൃത്വത്തില് ഡോക്ടറുടെ അയ്യന്തോളിലെ വീട്ടിലേക്ക് ഇന്നലെ പ്രതിഷേധമാര്ച്ച് നടത്തിയിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
