കോഴിക്കോട്: നിലമ്പൂര് ഉപതിരഞ്ഞെടുപ്പില് എല്ഡിഎഫ് സ്ഥാനാര്ഥി എം. സ്വരാജിനെ പിന്തുണയ്ക്കുമെന്ന് പിഡിപി. രാജ്യത്ത് വന് വിപത്തായി മാറിക്കൊണ്ടിരിക്കുന്ന ഫാഷിസത്തിനെതിരെ സന്ധിയില്ലാത്ത പോരാട്ടം നടത്തുന്നത് എല്ഡിഎഫ് ആണ്. അതുകൊണ്ട് 2001ല് ഒഴിച്ച് കാലാകാലങ്ങളായി പിഡിപി പിന്തുണ എല്ഡിഎഫിനാണ്. ഫാഷിസത്തിന് തടയിടാന് എല്ഡിഎഫിന് മാത്രമേ കഴിയൂ എന്നും പിഡിപി വൈസ് ചെയര്മാന് അഡ്വ. മുട്ടം നാസര് പറഞ്ഞു.
എല്ഡിഎഫും യുഡിഎഫും തമ്മിലാണ് മത്സരം. വര്ഗീയ ധ്രുവീകരണ ശ്രമങ്ങള് ജനാധിപത്യ കേരളത്തിന് അപമാനമാണ്. പിണറായി സര്ക്കാര് കഴിഞ്ഞ ഒന്പത് വര്ഷക്കാലമായി സംസ്ഥാനത്തെ വികസനത്തിന് കാര്യമായ പങ്ക് വഹിച്ചിട്ടുണ്ട്.
സാമൂഹ്യ നീതി ഉറപ്പാക്കി, ജനങ്ങളുടെ അടിസ്ഥാന ആവശ്യങ്ങള് പരിഹരിക്കുന്നതിന് ചെയ്തുവരുന്ന പ്രവര്ത്തനങ്ങള് ശ്രദ്ധേയമാണ്. നിലപാടുകളില് ശക്തമായി ഉറച്ചുനില്ക്കുന്ന എല്ഡിഎഫ് സ്ഥാനാര്ത്ഥിക്ക് അനുകൂലമായ സാഹചര്യമാണ് നിലമ്പൂര് നിലനില്ക്കുന്നതെന്നും അഡ്വ. മുട്ടം നാസര് പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
