മുഖ്യമന്ത്രിയുടെ നേതൃത്വത്തില് നടക്കുന്ന നവകേരള സദസ്സ് ഇന്ന് മലപ്പുറം ജില്ലയില് നാല് മണ്ഡലങ്ങളില് നടക്കും. രാവിലെ 11ന് കാലിക്കറ്റ് സര്വകലാശാല ഓപ്പണ് എയര് ഓഡിറ്റോറിയത്തില് വള്ളിക്കുന്ന് മണ്ഡലം നവകേരള സദസ്സ് നടക്കും. തിരൂരങ്ങാടി മണ്ഡലം സദസ്സ് വൈകുന്നേരം മൂന്നിന് പരപ്പനങ്ങാടി അവുക്കാദര്ക്കുട്ടി നഹ സ്മാരക സ്റ്റേഡിയത്തിലും വേങ്ങര മണ്ഡലം സദസ്സ് വൈകുന്നേരം 4.30ന് സബാഹ് സ്ക്വയറിലും കോട്ടക്കല് മണ്ഡലം സദസ്സ് വൈകുന്നേരം ആറിന് ആയൂര്വേദ കോളേജ് ഗ്രൗണ്ടിലും നടക്കും.
നവംബര് 29ന് രാവിലെ ഒമ്പതിന് മലപ്പുറം വുഡ്ബൈന് ഹോട്ടലില് കൊണ്ടോട്ടി, മഞ്ചേരി, കോട്ടക്കല്, വള്ളിക്കുന്ന്, വേങ്ങര, മലപ്പുറം മണ്ഡലങ്ങളില് നിന്ന് വിവിധ മേഖലകളില് നിന്നും ക്ഷണിക്കപ്പെട്ട വ്യക്തിത്വങ്ങള് പങ്കെടുക്കുന്ന പ്രഭാത സദസ്സ് നടക്കും. തുടര്ന്ന് കൊണ്ടോട്ടി മണ്ഡലം നവകേരള സദസ്സ് രാവിലെ 11ന് മേലങ്ങാടി ജി.വി.എച്ച്.എസ്.എസ് ഗ്രൗണ്ടില് നടക്കും. മഞ്ചേരി മണ്ഡലം സദസ്സ് വൈകുന്നേരം മൂന്നിന് ഗവ. ബോയ്സ് ഹയര് സെക്കന്ഡറി സ്കൂള് ഗ്രൗണ്ടിലും, മങ്കട മണ്ഡലം സദസ്സ് വൈകുന്നേരം 4.30ന് ഗവ. ഹയര് സെക്കന്ഡറി സ്കൂള് ഗ്രൗണ്ടിലും, മലപ്പുറം മണ്ഡലം സദസ്സ് വൈകുന്നേരം ആറിന് എം.എസ്.പി എല്.പി സ്കൂള് ഗ്രൗണ്ടിലും നടക്കും.
നവംബര് 30ന് രാവിലെ ഒമ്പതിന് പെരിന്തല്മണ്ണ ശിഫാ കണ്വെന്ഷന് സെന്ററില് മങ്കട, പെരിന്തല്മണ്ണ, നിലമ്പൂര്, വണ്ടൂര്, ഏറാട് എന്നീ മണ്ഡലങ്ങളില് നിന്ന് വിവിധ മേഖലകളില് നിന്നും ക്ഷണിക്കപ്പെട്ട വ്യക്തിത്വങ്ങള് പങ്കെടുക്കുന്ന പ്രഭാത സദസ്സ് നടക്കും. തുടര്ന്ന് ഏറനാട് മണ്ഡലം നവകേരള സദസ്സ് രാവിലെ 11ന് അരീക്കോട് പഞ്ചായത്ത് ഗ്രൗണ്ടില് നടക്കും. വൈകുന്നേരം മൂന്നിന് നിലമ്പൂര് മണ്ഡലം സദസ്സ് വഴിക്കടവ് പഞ്ചായത്തിലെ മുണ്ട ഗ്രൗണ്ടിലും വണ്ടൂര് മണ്ഡലം സദസ്സ് വൈകുന്നേരം 4.30ന് വി.എം.സി ഹൈസ്കൂള് ഗ്രൗണ്ടിലും, പെരിന്തല്മണ്ണ മണ്ഡലം സദസ്സ് വൈകുന്നേരം ആറിന് നെഹ്റു സ്റ്റേഡിയത്തിലും നടക്കും. പരിപാടികളില് എം.എല്.എമാര് ഉള്പ്പെടെ ജനപ്രതിനിധികളും പൗരപ്രമുഖരും ചീഫ് സെക്രട്ടറി ഉള്പ്പെടെ ഉന്നത ഉദ്യോഗസ്ഥരും പങ്കെടുക്കും.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
