HIGHLIGHTS : More seats have been allotted in Malabar for Plus One admissions in higher secondary schools
തിരുവനന്തപുരം: സംസ്ഥാനത്തെ ഹയര് സെക്കന്ഡറി സ്കൂളുകളിലെ പ്ലസ് വണ് പ്രവേശനത്തിന് 2022-23 ല് അനുവദിച്ച 81 താല്ക്കാലിക ബാച്ചുകള് തുടരാനും മാര്ജിനല് സീറ്റ് വര്ധനവിനും മന്ത്രിസഭായോഗം അനുമതി നല്കി. കോഴിക്കോട്, മലപ്പുറം, വയനാട്, കണ്ണൂര്, കാസര്ഗോഡ്, തിരുവനന്തപുരം, പാലക്കാട് എന്നീ ഏഴ് ജില്ലകളില് സര്ക്കാര് ഹയര്സെക്കന്ഡറി സ്കൂളുകളില് 30 ശതമാനവും എയ്ഡഡ് ഹയര്സെക്കണ്ടറി സ്കൂളുകളില് 20 ശതമാനവും മാര്ജിനല് സീറ്റ് വര്ധന വരുത്തും.
2022-23 അധ്യയനവര്ഷം നിലനിര്ത്തിയ 18 സയന്സ് ബാച്ചുകളും 49 ഹ്യുമാനിറ്റീസ് ബാച്ചുകളും 8 കോമേഴ്സ് ബാച്ചുകളും തുടരും. താത്ക്കാലികമായി അനുവദിച്ച രണ്ട് സയന്സ് ബാച്ചുകളും താല്കാലികമായി ഷിഫ്റ്റ് ചെയ്ത ഓരോ ഹ്യുമാനിറ്റീസ്, കോമേഴ്സ് ബാച്ചുകളും കണ്ണൂര് കെ.കെ.എന് പരിയാരം സ്മാരക സ്കൂളില് താല്ക്കാലികമായി അനുവദിച്ച ഒരു കോമേഴ്സ് ബാച്ചും ഒരു ഹ്യൂമാനിറ്റീസ് ബാച്ചും ഉള്പ്പെടെയുള്ള 81 താല്ക്കാലിക ബാച്ചുകളാണ് തുടരുക.
ആവശ്യപ്പെടുന്ന എയ്ഡഡ് ഹയര്സെക്കണ്ടറി സ്കൂളുകള്ക്ക് 10 ശതമാനം കൂടി മാര്ജിനല് സീറ്റ് വര്ധനവ് അനുവദിക്കും.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു