തിരുവനന്തപുരം: സിനിമാ വിവാദങ്ങള്ക്കിടെ നടനും താരസംഘടന ‘എഎംഎംഎ’യുടെ മുന് പ്രസിഡന്റുമായ മോഹന്ലാല് ഇന്ന് മാധ്യമങ്ങളെ കാണും. തിരുവനന്തപുരത്ത് വെച്ച് വാര്ത്താസമ്മേളനം നടത്തുമെന്നാണ് അറിയിച്ചത്. ഹേമ കമ്മിറ്റിയുമായി ബന്ധപ്പെട്ട വിവാദങ്ങള്ക്കിടെ ആദ്യമായിട്ടാണ് മോഹന്ലാല് മാധ്യമങ്ങള്ക്ക് മുന്നിലെത്തുന്നത്.
കേരള ക്രിക്കറ്റ് അസോസിയേഷന്റെ കെസിഎല് ലോഞ്ചിംഗിനായി എത്തുന്ന താരം ഉച്ചയ്ക്ക് 12 മണിയോടെ ഹോട്ടല് ഹയാത്തില് വച്ചാവും മാധ്യമങ്ങളെ കാണുക. കേരള ക്രിക്കറ്റ് അസോസിയേഷനാണ് ഈ വിവരം മാധ്യമങ്ങളെ അറിയിച്ചത്.
‘ഹേമാ കമ്മിറ്റി റിപ്പോര്ട്ട് പുറത്തു വന്നതിന് പിന്നാലെ ‘എഎംഎംഎ’ സംഘടനയിലെ ഭരണ സിമിതിയിലെ ചില ഭാരവാഹികള് നേരിടേണ്ടി വന്ന ലൈംഗികാരോപണങ്ങളുടെ പശ്ചാത്തലത്തില് മോഹന്ലാല് പ്രസിഡന്റ് സ്ഥാനം രാജിവെച്ചിരുന്നു. മോഹന്ലാല് റിപ്പോര്ട്ടിനെക്കുറിച്ച് പ്രതികരിക്കാത്തതിനെതിരേയും വ്യാപക വിമര്ശനമുയര്ന്നിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
