തേഞ്ഞിപ്പലം: 1.100 കിലോഗ്രാം കഞ്ചാവുമായി മധ്യവയസ്കന് എക്സൈസ് പിടിയില്. തേഞ്ഞിപ്പലം ചെനക്കലങ്ങാടി പള്ളിപ്പുറം സ്വദേശി സമദ് (52 ) എന്നയാളെയാണ് എക്സൈസ് അറസ്റ്റ് ചെയ്തത്. തിരൂരങ്ങാടി എക്സൈസ് സര്ക്കിള് ഇന്സ്പക്ടര് മധുസൂദനന് പിള്ളക്ക് സ്റ്റേറ്റ് കമ്മീഷണര് സ്കോട് നല്കിയ രഹസ്യവിവരത്തിന്റെ അടിസ്ഥാനത്തില് തേഞ്ഞിപ്പലം ചെനക്കലങ്ങാടിയില് നടത്തിയ പരിശോധനയിലാണ് പിടിയിലായത്.
ഓണം സ്പെഷ്യല് ഡ്രൈവിനോട് അനുബന്ധിച്ച് താലൂക്കിലെ വിവിധ ഭാഗങ്ങളില് ശക്തമായ പരിശോധന നടത്തി വരുന്നതിനിടയിലാണ് ഇയാള് വീട്ടില് നിന്നും പിടിയിലാകുന്നത്.
വരും ദിവസങ്ങളില് കൂടുതല് കര്ശനമായ പരിശോധന തുടരുന്നതാണെന്ന് സര്ക്കിള് ഇന്സ്പെക്ടര് അറിയിച്ചു. കമ്മീഷണര് സ്ക്വാഡ് അംഗങ്ങളായ എക്സൈസ് പ്രിവെന്റിവ് ഓഫീസര് എസ് ജി സുനില്, മുഹമ്മദലി, രാജീവ് കുമാര് തിരൂരങ്ങാടി സര്ക്കിള് ഓഫീസിലെ പ്രിവന്റിവ് ഓഫീസര്മാരായ ജ്യോതിഷ്ചന്ദ്, പ്രഗേഷ്, പ്രമോദ് ദാസ്, സിവില് എക്സൈസ് ഓഫീസര്മാരായ ശിഹാബുദ്ധീന്, ദിദിന്, എക്സൈസ് ഡ്രൈവര് അഭിലാഷ് തുടങ്ങിയവര് പങ്കെടുത്തു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
