HIGHLIGHTS : കുറ്റിപ്പുറം : റെയില്‍പ്പാത അറ്റകുറ്റപണിയുടെ ഭാഗമായി ബുധനാഴ്ച മുതല്‍ ഒക്‌ടോബര്‍ 16 വരെ 4 പാസഞ്ചര്‍ ട്രെയിനുകള്‍ റദ്ധാക്കും.
കുറ്റിപ്പുറം : റെയില്‍പ്പാത അറ്റകുറ്റപണിയുടെ ഭാഗമായി ബുധനാഴ്ച മുതല്‍ ഒക്‌ടോബര്‍ 16 വരെ 4 പാസഞ്ചര്‍ ട്രെയിനുകള്‍ റദ്ധാക്കും. തൃശ്ശൂര്‍ – കണ്ണൂര്‍, കണ്ണൂര്‍ -ഷൊര്‍ണ്ണൂര്‍, കോഴിക്കോട് – ഷൊര്‍ണ്ണൂര്‍, ഷൊര്‍ണ്ണൂര്‍ – കോഴിക്കോട് എന്നിവയാണ് റദ്ധാക്കുന്നത്. ഇത് ജനങ്ങളെ വലയ്ക്കും. ഷൊര്‍ണ്ണൂരിനും കാരക്കാടിനും ഇടയിലായാണ് അറ്റകുറ്റപണികള്‍ നടക്കുന്നത്.
വിദ്യാര്‍ത്ഥികളുള്‍പ്പെടെയുള്ളവര്‍ ആശ്രയിക്കുന്നത് രാവിലെ ആറിന് പുറപ്പെട്ട് ഒമ്പതരക്ക് കോഴിക്കോട്ടും, 11 ന് കണ്ണൂരിലും എത്തുന്ന തൃശ്ശൂര്‍ കണ്ണൂര്‍ പാസഞ്ചറാണ്. ഈ ട്രെയിന്‍ തന്നെയാണ് വൈകീട്ട് 4.30 ന് കണ്ണൂരില്‍ നിന്ന് പുറപ്പെട്ട് 6.15 കോഴിക്കോട്ടെത്തി 8.15 ന് ഷൊര്‍ണ്ണൂരില്‍ യാത്ര അവസാനിപ്പിക്കുന്നത്. രണ്ട് ട്രെയിനുകളും റദ്ദാക്കുന്നതോടെ സാധാരണക്കാരായ ആയിരകണക്കിന് യാത്രക്കാര്‍ക്ക് ബുധനാഴ്ച മുതല്‍ 16 വരെ തീരാദുരിതമനുഭവിക്കേണ്ടി വരും.
അതേ സമയം, കണ്ണൂര്‍ കോയമ്പത്തൂര്‍, മംഗളൂരു- കോയമ്പത്തൂര്‍ ഫാസ്റ്റ് പാസഞ്ചര്‍ യഥാക്രമം കണ്ണൂര്‍ -പള്ളിപ്പുറം, മംഗളൂരു – പള്ളിപ്പുറം റൂട്ടില്‍ ഭാഗികമായും ബാക്കി ഭാഗം പാലക്കാട് – കോയമ്പത്തൂര്‍ റൂട്ടിലും സര്‍വ്വീസ് നടത്തും. ഗ്രാമ പ്രദേശമായ പള്ളുിപ്പുറത്ത് മതിയായ യാത്രാസൗകര്യം ലഭ്യമല്ലാത്തതിനാല്‍ യാത്രക്കാര്‍ ഷൊര്‍ണ്ണൂര്‍, പാലക്കാട്, കോയമ്പത്തൂര്‍ എന്നിവിടങ്ങളില്‍ എത്താന്‍ ഏറെ ബുദ്ധിമുട്ടും. ഈ ട്രെയിനുകള്‍ പട്ടാമ്പി വരെ സര്‍വ്വീസ് നടത്താന്‍ റെയില്‍വേ തയ്യാറാകുന്നില്ല.
ഷൊര്‍ണ്ണൂര്‍ – നിലമ്പൂര്‍ റൂട്ടിലെ നാല് ട്രെയിനുകള്‍ റദ്ധാക്കി. അങ്ങാടിപ്പുറം – നിലമ്പൂര്‍ റൂട്ടില്‍ രണ്ട് പാസഞ്ചറുകള്‍ ഓടിക്കാനാണ് നീക്കം. മലബാറിലെ യാത്രക്കാര്‍ക്ക് ഏറെ ആശ്രയമായിരുന്ന ഷൊര്‍ണ്ണൂര്‍ – എറണാകുളം പാസഞ്ചര്‍ തൃശ്ശൂര്‍ – എറണാകുളം റൂട്ടില്‍ പരിമിതപെടുത്തിയതും വിനയാകും.
ട്രെയിനുകള്‍ റദ്ധാക്കുന്നതിന് പുറമെ പകല്‍ സമയങ്ങളില്‍ സര്‍വ്വീസ് നടത്തുന്ന പരശുറാം എക്‌സ്പ്രസ്, എറണാകുളം – കോയമ്പത്തൂര്‍ ഇന്റര്‍സിറ്റി എക്‌സ്പ്രസുകള്‍, എഗ്‌മോര്‍, മെയില്‍ എക്‌സ്പ്രസുകള്‍, മംഗള, നേത്രാവതി ദീര്‍ഘദൂര എക്‌സ്പ്രസ്സുകള്‍ എന്നിവയും ഷൊര്‍ണ്ണൂര്‍ – കാരക്കാട് റൂട്ടില്‍ കൂടുതല്‍ സമയം പിടിച്ചിടും.
