തിരുവനന്തപുരം : മധ്യ കിഴക്കന് ബംഗാള് ഉള്ക്കടലിനും ആന്ഡമാന് കടലിനും മുകളിലായി രൂപം കൊണ്ട ന്യൂനമര്ദ്ദം ഇന്ന് രാവിലെയോടെ തീവ്ര ന്യൂന മര്ദ്ദമായി മാറും. നാളെ അത് ചുഴലിക്കാറ്റായി ശക്തി പ്രാപിക്കാന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. ചുഴലിക്കാറ്റ് മറ്റന്നാള് ഒഡിഷ -പശ്ചിമ ബംഗാള് തീരത്തിന് സമീപം എത്തിച്ചേരാന് സാധ്യതയെന്നും കാലാവസ്ഥ വകുപ്പിന്റെ വിലയിരുത്തല്.
മധ്യ പടിഞ്ഞാറന് അറബിക്കടലിനു മുകളില് മറ്റൊരു ന്യൂനമര്ദ്ദം നിലനില്ക്കുന്നുണ്ട്. എന്നാല് അടുത്ത ദിവസങ്ങളില് ഇന്ത്യന് തീരത്തു നിന്ന് അകന്നു പോയേക്കുമെന്നാണ് വിലയിരുത്തല്. മധ്യ കിഴക്കന് അറബിക്കടലില് കര്ണാടക തീരത്തിന് മുകളിലായി ചക്രവാത ചുഴി സ്ഥിതിചെയ്യുന്നുണ്ട്. തമിഴ്നാടിനു മുകളില് മറ്റൊരു ചക്രവാത ചുഴിയും സ്ഥിതിചെയ്യുന്നു.
ഇതിന്റെ പശ്ചാത്തലത്തില് കേരളത്തില് അടുത്ത ഒരാഴ്ച ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം. ഒറ്റപ്പെട്ട സ്ഥലങ്ങളില് നാളെ വരെ ശക്തമായ മഴയ്ക്കും സാധ്യതയുണ്ട്. മണിക്കൂറില് 30 മുതല് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാനത്ത് ഇന്ന് പത്തനംതിട്ട, ഇടുക്കി എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
