കൊച്ചി : കളമശേരി സ്ഫോടനത്തില് ഒരു മരണം കൂടി. ലിബിനക്കും അമ്മയ്ക്കും പിന്നാലെ സഹോദരനും മരണത്തിനു കീഴടങ്ങി. ഗുരുതരമായി പൊള്ളലേറ്റ് ചികിത്സയിലായിരുന്ന മലയാറ്റൂര് സ്വദേശി പ്രവീണാണ് മരിച്ചത്. ഇതോടെ ആകെ മരണം ആറായി. പ്രവീണിന്റെ അമ്മ മലയാറ്റൂര് സ്വദേശിനി സാലി പ്രദീപന് കഴിഞ്ഞ11 നാണ് മരിച്ചത്. സ്ഫോടനം നടന്ന ദിവസം 12കാരി ലിബിനയും മരിച്ചു. സഹോദരി ലിബിനയെ രക്ഷിക്കാന് ശ്രമിക്കുന്നതിനിടെയായിരുന്നു പ്രവീണിന് പൊള്ളലേറ്റത്. ഒരു കുടുബത്തിലെ മൂന്ന് പേരാണ് ഇതോടെ മരണത്തിന് കീഴടങ്ങിയത്. സഹോദരന് രാഹുലിനും സ്ഫോടനത്തില് പരിക്കേറ്റിരുന്നെങ്കിലും ഇയാള് അപകടനില തരണം ചെയ്തിട്ടുണ്ട്. ഇതുവരെ എട്ട് പേരാണ് പൊള്ളലേറ്റ് ഗുരുതരമായ സ്ഥിതിയില് വിവിധ ആശുപത്രിയില് ചികിത്സയിലുള്ളത്.
കളമശ്ശേരി സ്ഫോടനത്തിന്റെ നിര്ണായക തെളിവുകള് സ്ഫോടനത്തിന് ഉപയോഗിച്ച നാല് റിമോട്ടുകള് പ്രതി മാര്ട്ടിന്റെ വാഹനത്തില് നിന്ന് പൊലീസ് കഴിഞ്ഞ ദിവസം തെളിവെടുപ്പിനിടെ കണ്ടെടുത്തു. സ്ഫോടനം നടന്ന് രണ്ടാഴ്ച പിന്നിടുമ്പോഴാണ് നിര്ണായക തെളിവുകള് അന്വേഷണ സംഘം തെളിവെടുപ്പില് കണ്ടെത്തുന്നത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
