HIGHLIGHTS : Lakhs cheated in the name of online gambling; The main accused couple are under arrest
മലപ്പുറം: ഗോവയില് ഓണ്ലൈന് ചൂതാട്ടത്തില് പണം നിക്ഷേപിച്ച് വന്ലാഭമുണ്ടാക്കാമെന്ന് വാഗ്ദാനം നല്കി ലക്ഷക്കണക്കിന് രൂപ തട്ടിയെടുത്ത കേസില് മുഖ്യപ്രതികളെ പൊലീസ് പിടികൂടി. വാട്സ് ആപ്പ് ഗ്രൂപ്പുണ്ടാക്കി അതില് ആയിരക്കണക്കിന് ആളുകളെ ചേര്ത്ത് തട്ടിപ്പ് നടത്തിയ പ്രതികളെ തമിഴ്നാട് ഏര്വാടിയിലെ രഹസ്യ കേന്ദ്രത്തില് നിന്നാണ് മങ്കട എസ്.ഐ. സി.കെ.നൗഷാദും സംഘവും കസ്റ്റഡിയിലെടുത്തത്. പൊന്മള സ്വദേശി പുല്ലാനിപ്പുറത്ത് മുഹമ്മദ് റാഷിദ്(32), ഭാര്യ മാവണ്ടിയൂര് സ്വദേശിനി പട്ടന്മാര്തൊടിക റംലത്ത് (24)എന്നിവരാണ് പിടിയിലായത്.
മങ്കട വടക്കാങ്ങര സ്വദേശിനിയുടെ പരാതിയിലാണ് മങ്കട പൊലീസ് കേസ് രജിസ്റ്റര് ചെയ്ത് അന്വേഷണം നടത്തി പ്രതികളെ അറസ്റ്റ് ചെയ്തത്. നവംബറിലാണ് കേസിനാസ്പദമായ സംഭവം. പ്രതികള് വിഐപി ഇന്വെസ്റ്റ്മെന്റ് എന്ന വാട്സാപ്പ് കൂട്ടായ്മ വഴി പരാതിക്കാരിയുടെ നമ്പര് അതില് കൂട്ടി ചേര്ത്ത് അത് വഴി ഗോവ കാസിനോവയില് നടക്കുന്ന ഓണ്ലൈന് ചൂതാട്ടത്തില് പണം നിക്ഷേപിച്ചാല് മണിക്കൂറുകള്ക്കുള്ളില് രണ്ടിരട്ടിയോളം ലാഭവിഹിതം ലഭിക്കുമെന്നും പറഞ്ഞ് വിശ്വസിപ്പിച്ച് പലപ്പോഴായി അഞ്ച് ലക്ഷം രൂപ തട്ടിയെടുത്തതായി പരാതി ലഭിച്ചിരുന്നു. ഇതെ തുടര്ന്ന് ജില്ലാപോലീസ് മേധാവി മങ്കട എസ്.ഐ സികെനൗഷാദിന്റെ നേതൃത്വത്തില് നടത്തിയ പ്രാഥമിക അന്വേഷണത്തില് തന്നെ ഇത്തരത്തില് നിരവധി വാട്സ് ആപ്പ് കൂട്ടായ്മ ഗ്രൂപ്പുകളുണ്ടാക്കി അതുവഴി നിരവധിയാളുകളില് നിന്ന് ലക്ഷക്കണക്കിന് രൂപ തട്ടിയെടുത്ത് ആഡംബര ജീവിതം നയിച്ചുവരുന്ന പൊന്മള സ്വദേശി മുഹമ്മദ് റാഷിദ്, ഭാര്യ റംലത്ത്, ഭാര്യാസഹോദരന് മാവണ്ടിയൂര് സ്വദേശി പട്ടര്മാര്തൊടി മുഹമ്മദ് റാഷിദ് എന്നിവരെ കുറിച്ച് സൂചന ലഭിക്കുന്നത്. റംലയുടെ സഹോദരന് റാഷിദ് നേരത്തെ അറസ്റ്റിലായിട്ടുണ്ട്.
മുഹമ്മദ് റാഷിദും ഭാര്യാസഹോദരനും ഹാക്കിംഗ് വിദ്യാര്ത്ഥിയുമായ റാഷിദും കൂടിയാണ് തട്ടിപ്പ് ആസൂത്രണം ചെയ്തത്. യൂട്യൂബ് ട്രേഡിംഗ് വീഡിയോകള് വഴി തങ്ങളുടെ വാട്സ് ആപ്പ് ഗ്രൂപ്പ് ലിങ്കുകള് അയക്കുകയും അതുവഴി നിരവധിയാളുകളെ വാട്സാപ്പ് കൂട്ടായ്മയില് ചേര്ക്കുകയും അതുവഴി വന് ലാഭവിഹിതം വാഗ്ദാനം ചെയ്ത് ആളുകളില് നിന്ന് പണം തട്ടിയെടുക്കുകയും ആദ്യം കുറച്ച് പണം ലാഭവിഹിതമെന്നപേരില് അയച്ചുകൊടുത്ത് കൂടുതല് വിശ്വാസം നേടുകയും ചെയ്യും. പണം കിട്ടിയതായും മറ്റും വ്യാജ സന്ദേശങ്ങള് നിര്മ്മിച്ച് ഗ്രൂപ്പ് വഴി അയച്ച് കൊടുക്കുകയും പണം കിട്ടിയില്ലെന്ന പരാതികള് വരുന്നതോടുകൂടി പ്രതികള് ഗ്രൂപ്പില് നിന്നും ലെഫ്റ്റ് ആകുകയും പുതിയ നമ്പറെടുത്ത് പുതിയ വാട്സ് ആപ്പ് ഗ്രൂപ്പ് ഉണ്ടാക്കി വീണ്ടും തട്ടിപ്പ് തുടരുകയും ചെയ്യുന്നു. മുഖ്യപ്രതി റാഷിദിന്റെ ഭാര്യ റംലത്തിന്റെ ബാങ്ക് അക്കൗണ്ടിലേക്കാണ് പണം അയക്കാനായി ആവശ്യപ്പെടുന്നത്. ഭാര്യാ സഹോദരന് മുഹമ്മദ് റാഷിദിനെ കഴിഞ്ഞ ദിവസം മങ്കട എസ്.ഐ സി.കെ.നൗഷാദും സംഘവും വളാഞ്ചേരി യില് നിന്ന് കസ്റ്റഡിയിലെടുത്ത് അറസ്റ്റ് ചെയ്തിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു