തിരുവനന്തപുരം: 1000 രൂപയ്ക്ക് മുകളിലുള്ള വൈദ്യുതി ബില്ലുകള് ഇനി കൗണ്ടറുകളില് സ്വീകരിക്കില്ലെന്ന് കെഎസ്ഇബി. 1000 രൂപയുടെ മുകളില് വരുന്ന ബില്ലുകള് ഓണ്ലൈനായി മാത്രം അടച്ചാല് മതിയെന്നാണ് ഉപഭോക്താകള്ക്കുള്ള കെഎസ്ഇബിയുടെ നിര്ദേശം.
അടുത്ത തവണ മുതല് ഇത് നിര്ബന്ധമായി നടപ്പാക്കാന് ഉദ്യോഗസ്ഥര്ക്ക് നിര്ദ്ദേശം നല്കി. തീരുമാനം എല്ലാ തരം ഉപഭോക്താക്കള്ക്കും ബാധകമാണ്.
കെഎസ്ഇബിയില് നിലവില് നല്ലൊരു ശതമാനം ഉപഭോക്താക്കളും ഡിജിറ്റലായാണ് പണം അടയ്ക്കുന്നത്. പണം പിരിവ് പൂര്ണമായും ഡിജിറ്റലാക്കണമെന്ന് മെയ് 12ന് ചേര്ന്ന ബോര്ഡ് യോഗം നിര്ദ്ദേശിച്ചിരുന്നു. ഇത് കൃത്യമായി പാലിക്കപ്പെടുന്നില്ലെന്ന് കാട്ടി ഊര്ജ വകുപ്പ് പ്രിന്സിപ്പല് സെക്രട്ടറി നല്കിയ നിര്ദ്ദേശത്തിന് പിന്നാലെയാണ് ഇപ്പോഴത്തെ നടപടി.
എന്നാല് ഉപഭോക്താക്കളെ ഉപദ്രവിക്കാതെ വേണം തീരുമാനം നടപ്പാക്കാനെന്ന് കെഎസ്ഇബിയിലെ ജീവനക്കാരുടെ സംഘടനകള് അണികള്ക്ക് നിദ്ദേശം നല്കിയിട്ടുണ്ട്.
