തിരുവനന്തപുരം: സൈബര് ആക്രമണങ്ങള് തടയാന് ലക്ഷ്യമിട്ട് സംസ്ഥാന സര്ക്കാര് കൊണ്ടുവന്ന പോലീസ് നിയമ ഭേദഗതി ഗവര്ണര് ആരിഫ് മുഹമ്മദ് ഖാന് അംഗീകരിച്ചു. ഓര്ഡിനന്സില് ഗവര്ണര് ഒപ്പിട്ടു.
ഏതെങ്കിലും വ്യക്തിയെ ഭീഷണിപ്പെടുത്താനോ അപമാനിക്കാനോ അപകീര്ത്തിപ്പെടുത്താനോ ലക്ഷ്യമിട്ട് ഏതെങ്കിലും വിനിമയ ഉപാധികളിലൂടെ ഉള്ളടക്കം നിര്മിക്കുകയോ പ്രസിദ്ധീകരിക്കുകയോ പ്രചരിപ്പിക്കുകയോ ചെയ്യുന്നവര്ക്ക് അഞ്ചു വര്ഷം വരെ തടവോ 10000 രൂപ വരെ പിഴയോ അല്ലെങ്കില് രണ്ടും കൂടിയോ വിധിക്കാനുള്ള വ്യവസ്ഥയാണ് വകുപ്പിലുള്ളത്.
പോലീസ് നിയമത്തില് 118 എ എന്ന വകുപ്പ് കൂട്ടിച്ചേര്ത്തതാണ് ഭേദഗതി. 2000 ലെ ഐടി ആക്ടിലെ 66 എ വകുപ്പും 2011 കേരള പോലീസ് ആക്ടിലെ 118 (ഡി ) വകുപ്പും അഭിപ്രായ സ്വാതന്ത്ര്യത്തിന് എതിരാണെന്ന് കണ്ട് സുപ്രീം കോടതി റദ്ധാക്കിയിരുന്നു . സുപ്രീം കോടതി വിധി മറികടക്കാനുള്ള നിയമ ഭേദഗതി അംഗീകരിക്കരുതെന്ന് ആവശ്യപ്പെട്ട് ബിജെപി ഗവര്ണറെ കണ്ടിരുന്നു.ഒപ്പിടാന് ഗവര്ണര് വൈകിയത് സര്ക്കാരിനും ആശങ്ക ഉണ്ടാക്കിയിരുന്നു.
