HIGHLIGHTS : Karuvannur Padayatra: Case against 500 people including Suresh Gopi
തൃശൂര്: സഹകരണ കൊള്ളയ്ക്കെതിരെ കരുവന്നൂരില് നിന്ന് തൃശൂരിലേക്ക് പദയാത്ര നടത്തിയതിന് നടന് സുരേഷ് ഗോപിക്കും കെ സുരേന്ദ്രനമടക്കമുള്ള വര്ക്കെതിരെ കേസെടുത്ത് തൃശൂര് പൊലീസ് സുരേഷ്ഗോപി, ബി ജെ പി സംസ്ഥാന അധ്യക്ഷന് കെ സുരേന്ദ്രന്, ശോഭ സുരേന്ദ്രന്, ബി ഗോപാലകൃഷ്ണന്, കെ കെ അനീഷ് കുമാര്, ഹരി കെ ആര് തുടങ്ങി 500 ഓളം പേര്ക്കെതിരെയാണ് പൊലീസ് കേസെടുത്തത്. പദയാത്ര നടത്തി വാഹനതടസ്സം സൃഷ്ടിച്ചതിനാണ് കേസെടുത്തതെന്നാണ് തൃശൂര് ഈസ്റ്റ് പൊലീസ് വ്യക്തമാക്കിയത്.
ഈ മാസം 2 നായിരുന്നു സഹകരണ മേഖലയിലെ കൊള്ളയ്ക്കും കള്ളപ്പണ തട്ടിപ്പിനുമെതിരെ സുരേഷ് ഗോപി നയിച്ച സഹകാരി സംരക്ഷണ പദയാത്ര ബി ജെ പി സംഘടിപ്പിച്ചത്. ബി ജെ പി സംസ്ഥാന അധ്യക്ഷന് കെ സുരേന്ദ്രനാണ് പദയാത്ര ഫ്ലാഗ് ഓഫ് ചെയ്തത്. പദയാത്രയുടെ സമാപനം സമ്മേളനം എം ടി രമേശാണ് ഉദ്ഘാടനം ചെയ്തത്. കരുവന്നൂരിലെ ആദ്യ പരാതിക്കാരന് സുരേഷിനെയും തട്ടിപ്പിന് ഇരകളായി മരിച്ചവരുടെ ബന്ധുക്കളെയും പദയാത്രയില് ആദരിച്ചിരുന്നു.
കരുവന്നൂര് മുതല് തൃശൂര് വരെയുള്ള 18 കിലോമീറ്റര് ദൂരത്തിലും പാതയോരങ്ങളില് നൂറുകണക്കിനാളുകളാണ് പദയാത്രയില് അഭിവാദ്യമര്പ്പിക്കാനെത്തിയത്. ഈ യാത്രയില് വാഹനതടസ്സം സൃഷ്ടിച്ചു എന്നത് ചൂണ്ടികാട്ടിയാണ് ബി ജെ പി സംസ്ഥാന അധ്യക്ഷന് കെ സുരേന്ദ്രനും പദയാത്ര നയിച്ച സുരേഷ് ഗോപിയുമടക്കമുള്ള അഞ്ഞൂറോളം പേര്ക്കെതിരെ കേസെടുത്തിരിക്കുന്നത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു