ന്യൂഡല്ഹി: സി.പി.ഐ നേതാവ് കനയ്യ കുമാറും, ഗുജറാത്തിലെ സ്വതന്ത്ര എം.എല്.എ ജിഗ്നേഷ് മേവാനിയും കോണ്ഗ്രസ് പ്രവേശനത്തിന് മുന്നോടിയായി ഡല്ഹിയിലെത്തി.
CPI leader Kanhaiya Kumar & Gujarat MLA Jignesh Mevani join Congress in New Delhi
“We look forward to working with these young leaders, Kumar & Mevani, to defeat the fascist forces ruling this country,” says Congress General Secretary (Organisation) KC Venugopal pic.twitter.com/vzXIlzKI2v
— ANI (@ANI) September 28, 2021
ഇരുവരും കോണ്ഗ്രസ് നേതാവ് രാഹുല് ഗാന്ധിക്കൊപ്പം ഡല്ഹിയിലെ ഐ.ടി.ഒയിലെ രക്തസാക്ഷി പാര്ക്കില് എത്തുകയും ഭഗത് സിംഗിന്റെ പ്രതിമയില് പുഷ്പാര്ച്ചന നടത്തുകയും ചെയ്തു.
കോണ്ഗ്രസില് കനയ്യയുടെയും ജിഗ്നേഷിന്റെയും ചുമതല എന്തായിരിക്കുമെന്ന് ഇതുവരെ വ്യക്തമല്ല. എന്നാല് യുവജനതയെ കോണ്ഗ്രസിലേക്ക് എത്തിക്കുന്നതിനായി ഇരുവരെയും ഉപയോഗിച്ച് പ്രചാരണം നടത്താന് കഴിയുമെന്നാണ് കോണ്ഗ്രസ് വിലയിരുത്തുന്നത്.
ബീഹാറില് കനയ്യയ്ക്കും ഗുജറാത്തില് ജിഗ്നേഷിനും ഉയര്ന്ന പദവി നല്കാനാണ് സാധ്യത. നേരത്തെ തന്നെ കനയ്യ പാര്ട്ടി വിടുമെന്ന തരത്തിലുള്ള വാര്ത്തകള് പുറത്തുവന്നിരുന്നെങ്കിലും ശനിയാഴ്ച ജിഗ്നേഷ് മേവാനി ഇക്കാര്യം പരസ്യമായി പ്രഖ്യാപിച്ചതോടെയാണ് അഭ്യൂഹം ശക്തിപ്പെട്ടത്.
താനും കനയ്യയും സെപ്റ്റംബര് 28 ന് കോണ്ഗ്രസില് ചേരുമെന്നായിരുന്നു അദ്ദേഹത്തിന്റെ പ്രതികരണം.
