മലയാള സിനിമാ പ്രേക്ഷകരുടെ ഇഷ്ടതാരങ്ങളായ ജയറാമും മകന് കാളിദാസ് ജയറാമും 22 വര്ഷങ്ങള്ക്ക് ശേഷം ഒരുമിച്ചഭിനയിക്കുന്ന ആശകള് ആയിരം എന്ന ചിത്രത്തിന്റെ ടൈറ്റില് പോസ്റ്റര് റിലീസായി. അരവിന്ദ് രാജേന്ദ്രനും ജൂഡ് ആന്റണി ജോസഫുമാണ് ആശകള് ആയിരത്തിന്റെ രചന നിര്വ്വഹിക്കുന്നത്.
ഒരു വടക്കന് സെല്ഫി എന്ന ചിത്രത്തിലൂടെ മലയാളി സിനിമാ പ്രേക്ഷകര്ക്കു സുപരിചിതനായ ജി പ്രജിത് ആണ് ആശകള് ആയിരം സംവിധാനം ചെയ്യുന്നത്. ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് ആണ് ചിത്രത്തിന്റെ നിര്മ്മാണം നിര്വഹിക്കുന്നത്. ജൂഡ് ആന്റണി ജോസഫ് ആണ് ആശകള് ആയിരത്തിന്റെ ക്രിയേറ്റീവ് ഡയറക്ടര്.
ബാലതാരമായി കൊച്ചു കൊച്ചു സന്തോഷങ്ങള്, എന്റെ വീട് അപ്പൂന്റേം എന്നീ ചിത്രങ്ങളില് ജയറാം- കാളിദാസ് കോമ്പിനേഷന് പ്രേക്ഷകര് ഏറെ ആസ്വദിച്ച ഒന്നാണ്. കാളിദാസ് പിന്നീട് നായകവേഷങ്ങളിലേക്ക് ചേക്കേറിയപ്പോള് ഈ കോമ്പിനേഷന് വീണ്ടും ആവര്ത്തിച്ചിരുന്നെങ്കിലെന്ന പ്രേക്ഷകരുടെ കാത്തിരിപ്പാണ് ആശകള് ആയിരത്തിലൂടെ സഫലമാകുന്നത്.
ചിത്രത്തിന്റെ മറ്റ് അണിയറപ്രവര്ത്തകര് ഇവരാണ്. കോ പ്രൊഡ്യൂസേഴ്സ് ബൈജു ഗോപാലന്, വി സി പ്രവീണ്, എക്സിക്യൂട്ടീവ് പ്രൊഡ്യൂസര് കൃഷ്ണമൂര്ത്തി, ഛായാഗ്രഹണം ഷാജി കുമാര്, പ്രോജക്റ്റ് ഡിസൈനര് ബാദുഷ എന് എം, എഡിറ്റര് ഷഫീഖ് പി വി, മ്യൂസിക് സനല് ദേവ്, ആര്ട്ട് നിമേഷ് താനൂര്, കോസ്റ്റ്യൂം അരുണ് മനോഹര്, മേക്കപ്പ് ഹസ്സന് വണ്ടൂര്, ചീഫ് അസോസിയേറ്റ് ഡയറക്ടര് ബേബി പണിക്കര്, പബ്ലിസിറ്റി ഡിസൈന് ടെന് പോയിന്റ്, പി ആര് ഒ പ്രതീഷ് ശേഖര് എന്നിവരാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
