തിരുവനന്തപുരം: ബന്ധു നിയമന വിവാദത്തില് മന്ത്രി കെ.ടി. ജലീലിനെതിരെ ലോകായുക്ത. ആരോപണം പൂര്ണമായും സത്യമാണെന്നും അദ്ദഹം സ്വജനപക്ഷപാതം കാട്ടിയെന്നും കെ.ടി. ജലീലിന് മന്ത്രി സ്ഥാനത്ത് തുടരാന് അര്ഹതയില്ലെന്നും ലോകായുക്തയുടെ റിപ്പോര്ട്ടില് പറയുന്നു.
ലോകായുക്ത ഡിവിഷന് ബെഞ്ചിന്റേതാണ് വിധി. ജലീലിനെതിരെ മുഖ്യമന്ത്രി യുക്തമായ നടപടി സ്വീകരിക്കണമെന്നുമാണ് ലോകായുക്ത ഉത്തരവില് വിശദീകരിക്കുന്നത്.
ന്യൂനപക്ഷ കോര്പറേഷന്റെ ജനറല് മാനേജര് നിയമനവുമായി ബന്ധപ്പെട്ടാണ് വിധി വന്നിരിക്കുന്നത്. മന്ത്രിയുടെ ബന്ധുവീയ കെ. ടി അദീപിന് ന്യൂനപക്ഷ വികസന ധനകാര്യ കോര്പറേഷനില് ജനറല് മാനേജര് ആയി നിയമിച്ചതാണ് വിവാദത്തിനിടയാക്കിയത്. ബന്ധുവിന് വേണ്ടി യോഗ്യതയില് ഇളവ് വരുത്തി വിജ്ഞാപനം ഇറക്കുകയും അദീപിനെ നിയമിക്കുകയും ചെയ്തുവെന്നാണ് പരാതി.
വി.കെ മുഹമ്മദ് ഷാഫി എന്നയാളാണ് പരാതി നല്കിയിരിക്കുന്നത്. പരാതിയില് ഉന്നയിച്ചിരിക്കുന്ന എല്ലാ കാര്യങ്ങളും സത്യമാണെന്നാണ് ലോകായുക്തയുടെ കണ്ടെത്തല്. ഇതുസംബന്ധിച്ച റിപ്പോര്ട്ട് മുഖ്യമന്ത്രിക്ക് കൈമാറും.
