HIGHLIGHTS : Mansoor murder case: Second accused found hanged
കണ്ണൂര്: പാനൂര് മൻസൂര് കൊലക്കേസിലെ രണ്ടാം പ്രതിയെ മരിച്ച നിലയിൽ കണ്ടെത്തി. രതീഷ് കൂലോത്തിനെയാണ് തൂങ്ങിമരിച്ച നിലയിൽ കണ്ടെത്തിയിരിക്കുന്നത്.
വളയം പോലീസ് പരിധിയിലെ ആളൊഴിഞ്ഞ പറമ്പിൽ തൂങ്ങിമരിച്ച നിലയിൽ രതീഷിനെ കണ്ടെത്തിയത്. കൊല്ലപ്പെട്ട മൻസൂറിൻറെ അയൽവാസിയാണ് ഇയാൾ.
കേസിൽ ഒളിവിൽ കഴിയുകയായിരുന്ന ഇയാൾക്ക് വേണ്ടിയുള്ള തിരച്ചിൽ ശക്തമാക്കുന്നതിനിടെയാണ് മൃതദേഹം കണ്ടെത്തിയിരിക്കുന്നത്. സിപിഎം പ്രവര്ത്തകൻ കൂടിയാണ് മരിച്ച രതീഷ്. പ്രദേശത്ത് തന്നെ വര്ക്ക്ഷോപ്പ് ജോലി ചെയ്യുന്ന ആളാണെന്നും റിപ്പോർട്ട്.
കേസിൽ നിർണായകമായ തെളിവ് പോലീസിന് ലഭിച്ചിട്ടുണ്ടെന്നും മരിച്ച രതീഷിന്റെ ഫോണിൽ നിന്നും കൊലപാതകം ആസൂത്രണം ചെയ്തതിന്റെ തെളിവുകള് പോലീസിന് ലഭിച്ചിട്ടുണ്ടെന്നും ഏഷ്യാനെറ്റ് ന്യൂസ് റിപ്പോര്ട്ട് ചെയ്യുന്നു.
വാട്സാപ്പ് സന്ദേശങ്ങള് വഴി ആയുദ്ധം ശേഖരിക്കുന്നത് സംബന്ധിച്ചും കൂടുതൽ തെളിവുകള് കണ്ടെത്തിയതായാണ് റിപ്പോര്ട്ട്. മറ്റ് പ്രതികള് എല്ലാവരും ഒളിവിലാണ്. മറ്റ് പ്രതികള്ക്കായുള്ള അന്വേഷണവും പോലീസ് ആരംഭിച്ചിട്ടുണ്ട്.