HIGHLIGHTS : തിരുവനന്തപുരം: കെഎസ്ആര്‍ടിസി സര്‍വ്വീസ് താളം തെറ്റി. നാലായിരത്തോളം കെഎസ്ആര്‍ടിസി എം പാനല്‍ കണ്ടക്ടര്‍മാരെ പിരിച്ചുവിട്ടതോടെയാണ് സര്‍വ്വീസ് താളം തെറ...
തിരുവനന്തപുരം: കെഎസ്ആര്‍ടിസി സര്‍വ്വീസ് താളം തെറ്റി. നാലായിരത്തോളം കെഎസ്ആര്‍ടിസി എം പാനല്‍ കണ്ടക്ടര്‍മാരെ പിരിച്ചുവിട്ടതോടെയാണ് സര്‍വ്വീസ് താളം തെറ്റിയിരിക്കുന്നത്. സംസ്ഥാനത്ത് ഇതുവരെ 980 സര്‍വ്വീസുകളാണ് മുടങ്ങിയിരിക്കുന്നത്. ഇതെതുടര്‍ന്ന് ആയിരക്കണക്കിന് യാത്രക്കാരാണ് ദുരിതത്തിലായത്.
കണ്ടക്ടര്‍മാര്‍ ഇല്ലാതായതോടെ പലയിടങ്ങളിലും ഡ്രൈവര്‍മാര്‍ക്കും ജോലിക്കിറങ്ങാന്‍ കഴിഞ്ഞില്ല.
ജീവനക്കാരെ പിരിച്ചുവിട്ടുകൊണ്ടുള്ള സത്യവാങ്മൂലം കെഎസ്ആര്‍ടിസി എംഡി ഇന്ന് ഹൈക്കോടതിയില്‍ സമര്‍പ്പിച്ചു. പിരിച്ചുവിടലിനെതിരെ താല്‍ക്കാലിക ജീവനക്കാര്‍ നല്‍കിയ ഹര്‍ജി ഇന്ന് ഡിവിഷന്‍ ബെഞ്ച് പരിഗണിക്കും. കഴിഞ്ഞദിവസം പുനഃപരിശോധന ഹര്‍ജി നല്‍കിയിരുന്നെങ്കിലും അത് പരിഗണിക്കാന്‍ ഹൈക്കോടതി തയ്യാറായിരുന്നില്ല.
