HIGHLIGHTS : സോഷ്യല് ഓഡിറ്റ് ഡയറക്ടര് നിയമനം മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില് കരാര് അടിസ്ഥാനത്തില് സോഷ്യല് ഓഡിറ്റ് ഡയറക്ടറെ നിയമിക്കുന്ന...
സോഷ്യല് ഓഡിറ്റ് ഡയറക്ടര് നിയമനം
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില് കരാര് അടിസ്ഥാനത്തില് സോഷ്യല് ഓഡിറ്റ് ഡയറക്ടറെ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്ക്ക് സോഷ്യല് ഓഡിറ്റ് മേഖലയില് കുറഞ്ഞത് രണ്ട് വര്ഷത്തെ പ്രവൃത്തി പരിചയം വേണം. ഏതെങ്കിലും വിഷയത്തിലുള്ള ബിരുദാനന്തര ബിരുദവും, ഗ്രാമവികസനം/വികേന്ദ്രീകൃതാസൂത്രണം/ഗവണ്മെന്റ് ഓഡിറ്റിംഗ് എന്നിവയില് കുറഞ്ഞത് 10 വര്ഷത്തെ പ്രവൃത്തി പരിചയവും ഉണ്ടായിരിക്കണം. ഉയര്ന്ന പ്രായപരിധി 62 വയസ്. കൂടുതല് വിവരങ്ങള് www.nregs.kerala.gov.in ല് ലഭ്യമാണ്. അപേക്ഷകള് മിഷന് ഡയറക്ടര്, മഹാത്മാഗാന്ധി എന്.ആര്.ഇ.ജി.എസ്, സംസ്ഥാന മിഷന് ഓഫീസ്, അഞ്ചാംനില, സ്വരാജ് ഭവന്, നന്തന്കോട്, കവടിയാര് പി.ഒ., തിരുവനന്തപുരം-695 003 എന്ന വിലാസത്തില് 16ന് വൈകുന്നേരം അഞ്ച് മണിക്ക് മുമ്പ് സമര്പ്പിക്കണം. വിശദവിവരങ്ങള്ക്ക് 0471-2313385, 0471-2314385. 30.01.2021, 20.02.2021 തിയതികളിലെ നോട്ടിഫിക്കേഷനുകള് പ്രകാരം അപേക്ഷിച്ചിട്ടുള്ളവര് വീണ്ടും അപേക്ഷിക്കേണ്ടതില്ല.
ആയുര്വേദ കോളേജില് കരാര് അധ്യാപക നിയമനം
തിരുവനന്തപുരം സര്ക്കാര് ആയുര്വേദ കോളേജിലെ രോഗനിദാന, രസശാസ്ത്ര-ഭൈഷജ്യകല്പന വകുപ്പുകളില് കരാര് അടിസ്ഥാനത്തില് അധ്യാപകരെ നിയമിക്കുന്നതിന് 26ന് രാവിലെ 11ന് തിരുവനന്തപുരം സര്ക്കാര് ആയുര്വേദ കോളേജ് പ്രിന്സിപ്പലിന്റെ കാര്യാലയത്തില് വാക്ക് ഇന് ഇന്റര്വ്യൂ നടത്തും. ബന്ധപ്പെട്ട വിഷയത്തില് ബിരുദാനന്തര ബിരുദമാണ് യോഗ്യത. ഉദ്യോഗാര്ഥികള് വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്നതിനുള്ള അസല് സര്ട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകര്പ്പുകളും ബയോഡേറ്റയും സഹിതം അന്നേ ദിവസം രാവിലെ 10.30ന് തിരുവനന്തപുരം സര്ക്കാര് ആയുര്വേദ കോളേജ് പ്രിന്സിപ്പലിന്റെ കാര്യാലയത്തില് ഹാജരാകണം