ദില്ലി: ഇറാന് ഏത് നിമിഷവും ഇസ്രയേലിനെ ആക്രമിക്കാന് സാധ്യത. 48 മണിക്കൂറിനകം ഇറാന് ആക്രമണം നടത്തിയേക്കുമെന്ന് അമേരിക്കന് രഹസ്യാന്വേഷണ വിഭാഗം മുന്നറിയിപ്പ് നല്കി. ഇതോടെ പ്രതിരോധം ശക്തിപ്പെടുത്തിയിരിക്കുകയാണ് ഇസ്രയേല്.
ഇസ്രയേലിന് പൂര്ണ പിന്തുണ പ്രഖ്യാപിച്ച അമേരിക്കന് പ്രസിഡന്റ് ജോ ബൈഡന്, ആക്രമണത്തിന് മുതിരരുതെന്ന് ഇറാന് മുന്നറിയിപ്പ് നല്കി.
ഏപ്രില് ഒന്നിന് സിറിയന് തലസ്ഥാനമായ ദമാസ്കസില് ഇറാന് കോണ്സുലേറ്റിന് നേരെയുണ്ടായ ആക്രമണത്തിലെ ഖുദ് സേനയിലെ മുതിര്ന്ന ഉദ്യോഗസ്ഥന് അടക്കം 13 പേര് കൊല്ലപ്പെട്ടിരുന്നു. ആക്രമണത്തിന്റെ ഉത്തരവാദിത്തം ഇസ്രയേല് ഏറ്റെടുത്തിരുന്നില്ല. എന്നാല് പിന്നില് ഇസ്രയേലാണെന്നും തിരിച്ചടി ഉണ്ടാകുമെന്നും ഇറാന് മുന്നറിയിപ്പ് നല്കിയിരുന്നു.
ഇറാനിലേക്കും ഇസ്രയേലിലേക്കും ഇന്ത്യക്കാര് യാത്ര ചെയ്യരുതെന്ന് വിദേശകാര്യ മന്ത്രാലയം നിര്ദ്ദേശിചിരുന്നു. ഇന്ത്യക്ക് പുറമെ മറ്റ് നിരവധി രാജ്യങ്ങള് ഇസ്രയേലിലേക്ക് യാത്ര നിരോധിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
