തിരുവനന്തപുരം: സൈബര് കുറ്റകൃത്യങ്ങള് തടയുന്നതുമായി ബന്ധപ്പെട്ട് സംസ്ഥാന സര്ക്കാര് നടത്തി വരുന്ന ഇടപെടലുകള്ക്ക് കേന്ദ്ര അംഗീകാരം. ഇന്ത്യന് സൈബര് ക്രൈം കോര്ഡിനേഷന് സെന്ററിന്റെ (I4C) ആദ്യ സ്ഥാപക ദിനാഘോഷത്തോടനുബന്ധിച്ച് കേന്ദ്ര ആഭ്യന്തര മന്ത്രാലയം പ്രഖ്യാപിച്ച പുരസ്കാരങ്ങളിലാണ് കേരളത്തിന്റെ നേട്ടം.
സ്ത്രീകള്ക്കും കുട്ടികള്ക്കുമെതിരായ ഓണ്ലൈന് കുറ്റകൃത്യങ്ങളില് സജീവമായ ഇടപെടല് എന്ന വിഭാഗത്തിലാണ് കേരളത്തെ പുരസ്കാരത്തിനായി തിരഞ്ഞെടുത്തത്. ഈ മാസം പത്തിന് ന്യൂഡല്ഹിയിലെ വിജ്ഞാന് ഭവനില് നടക്കുന്ന ചടങ്ങില് കേന്ദ്ര ആഭ്യന്തര മന്ത്രി അമിത് ഷാ പുരസ്കാരം കൈമാറും.
‘സൈബര് കുറ്റകൃത്യങ്ങള്ക്കെതിരെയുള്ള നമ്മുടെ ശ്രമങ്ങള് അംഗീകരിക്കപ്പെട്ടതില് കേരളത്തിന് അഭിമാന നിമിഷം. ഇന്ത്യന് സൈബര് ക്രൈം കോര്ഡിനേഷന് സെന്ററിന്റെ (I4C) സ്ഥാപക ദിനാചരണത്തിന്റെ ഭാഗമായി, സ്ത്രീകള്ക്കും കുട്ടികള്ക്കുമെതിരായ ഓണ്ലൈന് കുറ്റകൃത്യങ്ങള് കൈകാര്യം ചെയ്യുന്നതിലെ പ്രശംസനീയമായ പ്രകടനത്തിനുള്ള അവാര്ഡ് സുരക്ഷിതമായ ഡിജിറ്റല് ഇടം ഉറപ്പാക്കാനുള്ള സര്ക്കാരിന്റെ പ്രതിബദ്ധതയെ എടുത്തു കാണിക്കുന്നു’- പുരസ്കാര നേട്ടത്തെക്കുറിച്ച് മുഖ്യമന്ത്രി പിണറായി വിജയന് എക്സില് കുറിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
