HIGHLIGHTS : India beat Pak bowlers in Asia Cup; Pakistan's target of 357 runs
കൊളംബോ: ഏഷ്യാ കപ്പിലെ സൂപ്പര് ഫോര് പോരാട്ടത്തില് പാക്കിസ്ഥാനെതിരെ ഇന്ത്യ മികച്ച സ്കോറിലേക്ക്. 24.1 ഓവറില് 148-2 എന്ന സ്കോറില് റിസര്വ് ദിനം ബാറ്റിംഗ് തുടങ്ങിയ ഇന്ത്യയെ സെഞ്ചുറികളുമായി കെ എല് രാഹുലും വിരാട് കോലിയും മുന്നോട്ടു നയിച്ചു. ആവേശകരമായ ഏഷ്യാകപ്പ് സൂപ്പര് ഫോര് പോരാട്ടത്തില് ഇന്ത്യയ്ക്കെതിരേ പാകിസ്താന് 357 റണ്സ് വിജയലക്ഷ്യം. ആദ്യം ബാറ്റുചെയ്ത ഇന്ത്യ നിശ്ചിത ഓവറില് രണ്ട് വിക്കറ്റ് നഷ്ടത്തില് 356 റണ്സെടുത്തു. സെഞ്ചുറി നേടിയ വിരാട് കോലിയും കെ.എല്.രാഹുലുമാണ് ഇന്ത്യയ്ക്ക് കൂറ്റന് സ്കോര് സമ്മാനിച്ചത്. പാകിസ്താനെതിരേ ഏകദിനത്തിലെ ഇന്ത്യയുടെ ഏറ്റവും ഉയര്ന്ന സ്കോറാണിത്. പിരിയാത്ത മൂന്നാം വിക്കറ്റ് കൂട്ടുകെട്ടില് 233 റണ്സ് കൂട്ടുകെട്ടുയര്ത്തിയ രാഹുലും കോലിയും ചേര്ന്ന് പാക് ബൗളര്മാരെ അടിച്ചുപറത്തി. രാഹുല് 100 പന്തില് ആറാം സെഞ്ചുറി തികച്ചപ്പോള് കോലി 84 പന്തില് 47ാം ഏകദിന സെഞ്ചുറി തികച്ചു.
ഞായറാഴ്ച മഴ കളിമുടക്കിയതിനെത്തുടര്ന്നാണ് റിസര്വ് ദിനമായ ഇന്നത്തേക്ക് മത്സരം വെച്ചത്.ഞായറാഴ്ച ഇന്ത്യ മികച്ച രീതിയില് ബാറ്റുചെയ്യുമ്പോഴാണ് മഴ വില്ലനായി വന്നത്.
മാസങ്ങളുടെ ഇടവേളക്കുശേഷം ഇന്ത്യന് ടീമില് തിരിച്ചെത്തിയ കെ എല് രാഹുലാണ് റിസര്വ് ദിനത്തില് ഇന്ത്യന് ആക്രമണം നയിച്ചത്. സിംഗിളുകളും ഡബിളുകളുമായി വിരാട് കോലി രാഹുലിന് മികച്ച പങ്കാളിയായി. ഐപിഎല്ലിനിടെ പരിക്കേറ്റ രാഹുല് അഞ്ച് മാസത്തെ ഇടവേളക്കുശേഷമാണ് ഇന്ത്യന് ടീമില് തിരിച്ചെത്തിയത്. ഇതിനിടക്ക് ബോളിവുഡ് നടന് സുനില് ഷെട്ടിയുടെ മകള് അതിയ ഷെട്ടിയുമായി രാഹുലിന്റെ വിവാഹവും കഴിഞ്ഞിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു