വയനാട്: മാനന്തവാടിയില് ആദിവാസി യുവാവിനെ റോഡില് വലിച്ചിഴച്ച സംഭവത്തില് രണ്ട് പ്രതികള് കൂടി കസ്റ്റഡിയില്. നബീല് കമര്, വിഷ്ണു എന്നിവരാണ് പിടിയിലായത്. ഇതോടെ കേസില് മുഴുവന് പ്രതികളും പിടിയിലായി.
കേസില് രണ്ട് പ്രതികള് പിടിയിലായിരുന്നു. ഹര്ഷിദ്, അഭിറാം എന്നിവരാണ് പിടിയിലായത്. ബസ് യാത്രക്കിടെയാണ് ഹര്ഷിദിനെയും അഭിറാമിനെയും കസ്റ്റഡിയില് എടുത്തത്. ബെംഗളൂരു ബസില് കല്പ്പറ്റയിലേക്ക് വരുന്നതിനിടെ ഇരുവരേയും പൊലീസ് കസ്റ്റഡിയില് എടുക്കുകയായിരുന്നു. പ്രതികള്ക്കെതിരെ വധശ്രമത്തിന് കേസെടുത്തിരുന്നു. പ്രതികള് സഞ്ചരിച്ച വാഹനം പൊലീസ് കഴിഞ്ഞ ദിവസം കസ്റ്റഡിയില് എടുത്തിരുന്നു.
ഞായറാഴ്ചയാണ് കൂടല്ക്കടവ് തടയിണയില് കുളിക്കാന് എത്തിയ യുവാക്കള് ചെമ്മാട് ഉന്നതിയിലെ മാതനെ വാഹനത്തില് വലിച്ചിഴച്ച് പരിക്കേല്പ്പിച്ചത്. അരകിലോമീറ്ററോളമാണ് മാതനെ പ്രതികള് റോഡിലൂടെ വലിച്ചിഴച്ചത്. മാനന്തവാടി മെഡിക്കല് കോളേജ് ആശുപത്രിയില് ചികിത്സയിലാണ് മാതന്. അദ്ദേഹത്തെ ഇന്നലെ മന്ത്രി ഒ ആര് കേളു സന്ദര്ശിച്ചിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
