HIGHLIGHTS : How to prepare Taripola
തരി പോള
തയ്യാറാക്കിയത് ഷരീഫ
ആവശ്യമുള്ള ചേരുവകൾ:-
മുട്ട – 4 എണ്ണം.
റവ (സൂജി) – 100 ഗ്രാം.
നെയ്യ് – 1 ടീസ്പൂൺ.
പഞ്ചസാര – 50 ഗ്രാം
കശുവണ്ടി – 10 എണ്ണം
മുന്തിരി – 10 എണ്ണം
ഏലക്ക പൊടി – ½ ടീസ്പൂൺ
തയ്യാറാക്കുന്ന വിധം :-
ഒരു പാനിൽ റവ ചൂടാക്കി മാറ്റി വയ്ക്കുക.
ഒരു ബ്ലെൻഡറിൽ 4 മുട്ട അടിക്കുക. ഇതിലേക്ക് പഞ്ചസാരയും ഏലക്കാപ്പൊടിയും ചേർത്ത് വീണ്ടും അടിക്കുക. ഇതിലേക്ക് റവ ചേർത്ത് നന്നായി ഇളക്കുക.
ഒരു സോസ് പാൻ / പ്രഷർ കുക്കർ ചൂടാക്കുക. ചൂടാകുമ്പോൾ നെയ്യ് ഒഴിച്ച് പാൻ ചുറ്റുക. ഇതിലേക്ക് റവ മുട്ട മിശ്രിതം ഒഴിക്കുക. ഇത് മൂടി, വളരെ കുറഞ്ഞ തീയിൽ വേവിക്കുക.
3-5 മിനിറ്റിനു ശേഷം കശുവണ്ടിയും ഉണക്കമുന്തിരിയും ഉപയോഗിച്ച് അലങ്കരിക്കുക.
ചെറിയ തീയിൽ അര മണിക്കൂർ വേവിക്കുക. (നിങ്ങൾ പ്രഷർ കുക്കറാണ് ഉപയോഗിക്കുന്നതെങ്കിൽ വെയ്റ്റില്ലാതെ കുക്കർ മൂടി വയ്ക്കുക).
പാകമായോ എന്ന് പരിശോധിക്കാൻ ഒരു കത്തി/ ഫോർക്ക് ഉപയോഗിച്ച് നടുക്ക് കുത്തി നോക്കിയാൽ മതി.
