HIGHLIGHTS : How to increase endorphin levels
വേദനയോ സമ്മര്‍ദ്ദമോ അനുഭവപ്പെടുമ്പോള്‍ നമ്മുടെ ശരീരം പുറത്തുവിടുന്ന രാസവസ്തുക്കളാണ് അല്ലെങ്കില്‍ ഹോര്‍മോണുകളാണ് എന്‍ഡോര്‍ഫിനുകള്‍. വ്യായാമം, മസാജ്, ഭക്ഷണം, സെക്സ് തുടങ്ങിയ സന്തോഷകരമായ പ്രവര്‍ത്തനങ്ങളിലാണ് അവ കൂടുതല്‍ ഉല്‍പ്പാദിപ്പിക്കപ്പെടുന്നത്. വേദന ഒഴിവാക്കാനും സമ്മര്‍ദ്ദം കുറയ്ക്കാനും നിങ്ങളുടെ ക്ഷേമബോധം മെച്ചപ്പെടുത്താനും എന്‍ഡോര്‍ഫിനുകള്‍ സഹായിക്കുന്നു.
– പതിവായി വ്യായാമം ചെയ്യുമ്പോള്‍, പ്രത്യേകിച്ച് നീന്തല്‍, സൈക്ലിംഗ് ഓട്ടം തുടങ്ങിയ പ്രവര്‍ത്തനങ്ങളില്‍ ഏര്‍പ്പെടുമ്പോള്‍ എന്‍ഡോര്‍ഫിന്‍ റിലീസ് ചെയ്യുന്നു.
– എന്‍ഡോര്‍ഫിന്‍ പുറത്തുവിടാന്‍ മറ്റൊരു കാരണമാണ് ചിരി. രസകരമായ ഒരു സിനിമ കാണുക,സുഹൃത്തുക്കളുമായി ഹാംഗ്ഔട്ട് ചെയ്യുന്നത്, ആസ്വാദ്യകരവും തമാശ നിറഞ്ഞതുമായ പ്രവര്‍ത്തനങ്ങളില്‍ ഏര്‍പ്പെടുന്നത് എന്‍ഡോര്‍ഫിന്‍ അളവ് വര്‍ദ്ധിപ്പിക്കുന്നു.
– ഡാര്‍ക്ക് ചോക്ലേറ്റിലെ ചില സംയുക്തങ്ങള്‍ക്ക് എന്‍ഡോര്‍ഫിനുകള്‍ പുറത്തുവിടാനുള്ള കഴിവുണ്ട്.ഉയര്‍ന്ന കൊക്കോ അടങ്ങിയ ഡാര്‍ക്ക് ചോക്ലേറ്റ് മിതമായ അളവില്‍ കഴിക്കുന്നത് എന്‍ഡോര്‍ഫിന്‍ അളവ് വര്‍ദ്ധിപ്പിക്കും.
– ഉന്മേഷം ഉയര്‍ത്തുകയും പോസിറ്റീവ് അനുഭവം നല്‍കുകയും ചെയ്യുന്ന പ്രിയപ്പെട്ട പാട്ടുകള്‍ കേള്‍ക്കുമ്പോള്‍ എന്‍ഡോര്‍ഫിനുകള്‍ പുറത്തുവിടാം.
– യോഗപോലുള്ള മൈന്‍ഡ്ഫുള്‍നെസ് ടെക്‌നിക്കുകള്‍ക്ക് സമ്മര്‍ദ്ദം കുറയ്ക്കാനും എന്‍ഡോര്‍ഫിന്‍ അളവ് വര്‍ദ്ധിപ്പിക്കാനും കഴിയും.
– സിട്രസ്, ലാവെന്‍ഡര്‍, വാനില എന്നിവ ഉയര്‍ന്ന എന്‍ഡോര്‍ഫിന്‍ ഉല്‍പാദനവുമായി ബന്ധപ്പെട്ടിരിക്കുന്ന ചില സുഗന്ധങ്ങളാണ്.
– എന്‍ഡോര്‍ഫിന്‍ റിലീസ് വര്‍ദ്ധിപ്പിക്കാന്‍ കഴിവുള്ള മറ്റൊരു വഴിയാണ് മസാജ് തെറാപ്പി.
