അടുത്ത അഞ്ച് ദിവസം സംസ്ഥാനത്ത് വ്യാപക മഴയ്ക്ക് സാധ്യതയുണ്ടെന്നാണ് പ്രവചനം. ബുധന്, വ്യാഴം ദിവസങ്ങളില് അതിശക്തമഴയുണ്ടാകുമെന്നാണ് മുന്നറിയിപ്പ്. വ്യാഴാഴ്ച
പത്തനംതിട്ട, ഇടുക്കി, കണ്ണൂര്, കാസര്കോട് ജില്ലകളിലും, വെള്ളിയാഴ്ച പത്തനംതിട്ട, എറണാകുളം, ഇടുക്കി, തൃശൂര്, കണ്ണൂര്, കാസര്കോട് ജില്ലകളിലും റെഡ് അലര്ട്ട് ആണ്.
അതിതീവ്ര മഴ മുന്നറിയിപ്പിന്റെ സാഹചര്യത്തില് 2 ജില്ലകളില് വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. കാസര്കോട്, കണ്ണൂര് ജില്ലകളിലാണ് ജില്ലാ കളക്ടര്മാര് വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചത്.
കണ്ണൂര് ജില്ലയില് റെഡ് അലര്ട്ട് പ്രഖ്യാപിച്ചിരിക്കുന്നതിനാലും കനത്ത മഴ തുടരുന്ന സാഹചര്യത്തിലും ജില്ലയിലെ വിദ്യാഭ്യാസ സ്ഥാപനങ്ങള് അങ്കണവാടികള്, മദ്രസകള്, ട്യൂഷന് സെന്ററുകള്, സ്പെഷ്യല് ക്ലാസുകള് എന്നിവയ്ക്ക് നാളെ (29/05/2025, വ്യാഴാഴ്ച) ജില്ലാ കലക്ടര് അവധി പ്രഖ്യാപിച്ചു.
കാസര്കോട് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. ട്യൂഷന് സെന്ററുകള്, സ്പെഷ്യല് ക്ലാസുകള്, അങ്കണവാടികള്, മദ്രസകള് തുടങ്ങിയവയ്ക്ക് നാളെ (മെയ് 29 2025) അവധിയായിരിക്കുമെന്ന് കാസര്കോട് ജില്ലാ കളക്ടര് കെ. ഇമ്പശേഖറാണ് പ്രഖ്യാപിച്ചത്. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല. റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയില് ക്വാറികള് മെയ് 29, 30 തീയതികളില് പ്രവര്ത്തിക്കുവാന് പാടില്ല. റെഡ് അലര്ട്ട് പ്രഖ്യാപിച്ച ദിവസങ്ങളില് ജില്ലയില് റാണിപുരം ഉള്പ്പെടെയുള്ള വിനോദസഞ്ചാര കേന്ദ്രങ്ങള് അടച്ചിടും. ബീച്ചുകളിലേക്കും വിനോദസഞ്ചാരികള്ക്ക് പ്രവേശനം അനുവദിക്കുന്നതല്ലെന്ന് കളക്ടര് അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
