തിരുവനന്തപുരം: തിങ്കളാഴ്ച തിരുവനന്തപുരം, ആലപ്പുഴ ജില്ലകളില് ഉയര്ന്ന താപനില ശരാശരിയില് നിന്നും 3 മുതല് 4 ഡിഗ്രി വരെ ഉയരാന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ കാലാവസ്ഥാ വിശകലനത്തില് അറിയിച്ചു.
കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് ഉയര്ന്ന താപനില ശരാശരിയില് നിന്നും 2 മുതല് 3 ഡിഗ്രി വരെ ഉയരാനും സാധ്യതയുണ്ട്.
സൂര്യാഘാതം ഒഴിവാക്കാന് പൊതുജനങ്ങള് രാവിലെ 11 മുതല് ഉച്ചയ്ക്കു ശേഷം മൂന്നുമണി വരെ നേരിട്ട് സൂര്യപ്രകാശം എല്ക്കാതിരിക്കാന് ശ്രദ്ധിക്കുകയും പരമാവധി ശുദ്ധജലം കുടിക്കുക, മദ്യം, കാപ്പി, ചായ എന്നീ പാനീയങ്ങള് പകല് സമയത്ത് ഒഴിവാക്കുക, അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക തുടങ്ങിയ നിര്ദേശങ്ങള് പാലിക്കുകയും ചെയ്യണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
