മലപ്പുറം: എളങ്കൂരില് യുവതി ഭര്തൃവീട്ടില് ആത്മഹത്യ ചെയ്ത സംഭവത്തില് ഭര്ത്താവ് പ്രഭിന് കസ്റ്റഡിയില്. കഴിഞ്ഞ വ്യാഴാഴ്ചയാണ് പൂക്കോട്ടുംപാടം സ്വദേശി വിഷ്ണുജ(25)യെ ഭര്തൃ വീട്ടില് മരിച്ച നിലയില് കണ്ടെത്തിയത്. യുവതിയെ പ്രഭിനും വീട്ടുകാരും ഉപദ്രവിച്ചിരുന്നുവെന്ന് വിഷ്ണുജയുടെ കുടുംബം ആരോപിച്ചിരുന്നു. സ്ത്രീധനത്തിന്റേയും സൗന്ദര്യത്തിന്റേയും പേരില് ആക്ഷേപിച്ചെന്നും വിഷ്ണുജയുടെ പിതാവ് വാസുദേവന് പറഞ്ഞു.
വിഷ്ണുജയും എളങ്കൂര് സ്വദേശി പ്രഭിനും തമ്മിലുള്ള വിവാഹം നടന്നത് 2023 മെയ് മാസത്തിലാണ്. സ്ത്രീധനത്തിന്റെയും സൗന്ദര്യത്തിന്റെയും പേരില് ഉപദ്രവിച്ചിരുന്നെന്ന് കുടുംബം പരാതി നല്കിയിരുന്നു.
പീഡനത്തിന് ഭര്ത്താവിന്റെ ബന്ധുക്കള് കൂട്ട് നിന്നെന്നും ആരോപണമുണ്ട്. ഭര്ത്താവിനും കുടുംബത്തിനും എതിരെ നടപടി വേണമെന്ന് വിഷ്ണുജയുടെ കുടുംബം ആവശ്യപ്പെട്ടു. സംഭവത്തില് മഞ്ചേരി പൊലീസ് അസ്വാഭാവിക മരണത്തിന് കേസെടുത്തിരുന്നു.
