രണ്ടു ദിവസത്തെ പണിമുടക്കില് പങ്കെടുക്കുന്ന സര്ക്കാര് ജീവനക്കാരെ തടഞ്ഞ് ഹൈക്കോടതി. പണിമുടക്ക് വിലക്കാന് ഹൈക്കോടതി സംസ്ഥാന സര്ക്കാരിന് നിര്ദ്ദേശം നല്കി. സര്ക്കാര് ജീവനക്കാര് പണിമുടക്കുന്നത് നിയമവിരുദ്ധമാണെന്ന് ഹൈക്കോടതി ചൂണ്ടിക്കാട്ടി.
തിരുവനന്തപുരം സ്വദേശിയായ അഭിഭാഷകന് സമര്പ്പിച്ച ഹര്ജിയിലാണ് ചീഫ് ജസ്റ്റിസ് എസ്.മണികുമാര് അധ്യക്ഷനായ ബെഞ്ചിന്റെ ഉത്തരവ്. പൊതു ജനത്തെ പ്രതിസന്ധിയിലാക്കി പണിമുടക്കുന്ന ജീവനക്കാര്ക്കെതിരെ ഒരു തരത്തിലുള്ള നടപടികളും സംസ്ഥാന സര്ക്കാര് കൈക്കൊണ്ടിട്ടില്ലെന്ന് ചൂണ്ടിക്കാട്ടി സമര്പ്പിച്ച പൊതുതാത്പര്യ ഹര്ജിയിലാണ് ഹൈക്കോടതി ഉത്തരവിട്ടിരിക്കുന്നത്.
സര്ക്കാര് ജീവനക്കാര് സമരം ചെയ്യുന്നത് നിയമവിരുദ്ധം. പണിമുടക്കുന്നത് വിലക്കി ഇന്നുതന്നെ ഉത്തരവ് ഇറക്കണമെന്നുമാണ് സംസ്ഥാന സര്ക്കാരിന് ഹൈക്കോടതി നല്കിയിരിക്കുന്ന നിര്ദ്ദേശം.
