കോഴിക്കോട് : കേരളത്തിലെ ആദ്യകാല വനിതാ ഫുട്ബോള് താരമായിരുന്ന ഫൗസിയ മാമ്പറ്റ അന്തരിച്ചു.നടക്കാവ് ഗേള്സ് ഹൈസ്കൂളിലെ കായിക പരിശീലകയായിരുന്നു.
കോഴിക്കോട് മാമ്പറ്റ കുഞ്ഞിമൊയ്തി-ബിച്ചിവി ദമ്പതിമാരുടെ ആറുമക്കളില് നാലാമത്തെ കുട്ടിയായ ഫൗസിയ നടക്കാവ് സ്കൂളില് പഠിക്കുമ്പോഴാണ് കായികരംഗത്തെത്തുന്നത്. തുടക്കം ഹാന്ഡ്ബോളിലായിരുന്നു. പിന്നീട് പല കായിക ഇനങ്ങളിലും മാറ്റുരച്ചു. വെയ്റ്റ് ലിഫ്റ്റിങ്ങില് സംസ്ഥാനചാമ്പ്യന്, പവര് ലിഫ്റ്റിങ്ങില് സൗത്ത് ഇന്ത്യയില് മൂന്നാംസ്ഥാനം, ഹാന്ഡ്ബോള് സംസ്ഥാന ടീമംഗം, ജൂഡോയില് സംസ്ഥാനതലത്തില് വെങ്കലം, ഹോക്കി, വോളിബോള് എന്നിവയില് ജില്ലാ ടീമംഗം ദേശീയ ഗെയിംസ് വനിതാഫുട്ബോളില് കേരളത്തിന്റെ ഗോള്കീപ്പര്.
2005-ല് മണിപ്പൂരില്നടന്ന ദേശീയ സീനിയര് ചാമ്പ്യന്ഷിപ്പില് കേരളം മൂന്നാംസ്ഥാനം നേടിയപ്പോള് ടീമിന്റെ കോച്ച്, 2006-ല് ഒഡിഷയില്നടന്ന ദേശീയ സീനിയര് ചാമ്പ്യന്ഷിപ്പില് റണ്ണറപ്പായ കേരളത്തിന്റെ അസിസ്റ്റന്റ് കോച്ച് എല്ലാം ഫൗസിയയായിരുന്നു.കൊല്ക്കത്തയില്നടന്ന അഖിലേന്ത്യാ വനിതാ ജൂനിയര് ചാമ്പ്യന്ഷിപ്പ് മത്സരത്തില് കേരളത്തിന്റെ ഗോള്വല കാത്തത് ഫൗസിയയായിരുന്നു.
