സമാജ് വാദി പാര്ട്ടിയുടെ സ്ഥാപക നേതാവും ഉത്തര്പ്രേദശ് മുന്മുഖ്യമന്ത്രിയുമായ മുലായം സിംഗ് യാദവ് (82) അന്തരിച്ചു. ദില്ലിയിലെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. ഏറെ നാളായി ഗുഡ് ഗാവിലെ മേദാന്ത ആശുപത്രിയില് ചികിത്സയില് കഴിയുകയായിരുന്നു. ശ്വാസ തടസത്തിനൊപ്പം വൃക്കകളുടെ പ്രവര്ത്തനവും തകരാറിലായതോടെയാണ് മുലായത്തെ ആശുപത്രിയില് പ്രവേശിപ്പിച്ചത്.
1967ല് 28ാമത്തെ വയസില് ഉത്തര്പ്രദേശ് നിയമസഭയിലേക്ക് തെരഞ്ഞെടുക്കപ്പെട്ടു. കന്നി അംഗത്തിലൂടെ ഏറ്റവും പ്രായം കുറഞ്ഞ അംഗമായി. അടിയന്തരാവസ്ഥയെ നിശിതമായി വിമര്ശിച്ചതിന് ജയിലിലടക്കപ്പെട്ടു.
നാല് വര്ഷത്തിന് ശേഷം ചരണ് സിംഗിന്റെ ദളിത് മസ്ദൂര് കിസാന് പാര്ട്ടിയിലേക്ക് ചേര്ന്നു. ഇതിന്റെ അധ്യക്ഷനായി. 1989ല് ഉത്തര് പ്രദേശ് മുഖ്യമന്ത്രിയായി. 1990കളുടെ അവസാനം ചന്ദ്രശേഖറിന്റെ ജനതാദളിന്റെ ഭാഗമായി കോണ്ഗ്രസ് പിന്തുണയോടെ മുലായം ഭരണം തുടര്ന്നു.
ഇതിനിടെ സമാജ് വാദി പാര്ട്ടി രൂപീകരിച്ചു. 1996 ആയപ്പോഴേക്കും ദേശീയ രാഷ്ട്രീയത്തിലും മുലായം നിറഞ്ഞു നിന്നു. തുടര്ന്നുള്ള രണ്ട് വര്ഷക്കാലം ദേവഗൗഡ മന്ത്രിസഭയില് പ്രതിരോധ മന്ത്രിയായി. സംഭാല്, കനൗജ്,അസംഗഡ് കൗജ് മണ്ഡലങ്ങള് പലപ്പോഴായി മുലായത്തിന്റെ തട്ടകങ്ങളായി.
