HIGHLIGHTS : ന്യൂഡല്ഹി : പൊലീസ് ബാരിക്കേഡ് മറികടന്ന് സിംഗുവില് നിന്ന് കര്ഷകരുടെ ട്രാക്ടര് റാലി ഡല്ഹിയിലേക്ക് പ്രവേശിച്ചു. 12 മണിക്കായിരുന്നു ട്രാക്ടര് റാല...
ന്യൂഡല്ഹി : പൊലീസ് ബാരിക്കേഡ് മറികടന്ന് സിംഗുവില് നിന്ന് കര്ഷകരുടെ ട്രാക്ടര് റാലി ഡല്ഹിയിലേക്ക് പ്രവേശിച്ചു. 12 മണിക്കായിരുന്നു ട്രാക്ടര് റാലിക്ക് സമയം നിശ്ചയിച്ചിരുന്നത് . നിശ്ചയിച്ച സമയത്തിലും നേരത്തെ സിംഗുവില് പൊലീസ് സ്ഥാപിച്ച ബാരിക്കേഡുകള് മറികടന്നാണ് കര്ഷകര് മുന്നോട്ടുപോയത് . ഡല്ഹി – ഹരിയാന അതിര്ത്തിയായ തിക്രിയിലും കര്ഷകര് ബാരിക്കേഡുകള് മറികടന്ന് ഡല്ഹിയിലേക്ക് പ്രവേശിച്ചു.
കര്ഷകരെ പിന്തിരിപ്പിക്കാനുള്ള പൊലീസ് ശ്രമം പരാജയപ്പെട്ടു.ഡല്ഹിയിലും ഹരിയാനയിലുമായി ആറ് മേഖലകളിലാണ് ട്രാക്ടറുകള് ഒരേസമയം റാലി നടത്തുക. രണ്ട് ലക്ഷം ട്രാക്ടറുകള് എത്തുമെന്നായിരുന്നു കണക്കുകൂട്ടല്. എന്നാല്, അതിലും അധികം ട്രാക്ടറുകള് എത്തിയെന്നാണ് കര്ഷക നേതാക്കള് വ്യക്തമാക്കിയത്.
റിപ്പബ്ലിക് ദിനത്തിന്റെയും ട്രാക്ടര് പരേഡിന്റെയും പശ്ചാത്തലത്തില് ഡല്ഹിയിലും അതിര്ത്തി പ്രദേശങ്ങളിലും സുരക്ഷ ശക്തമാക്കി.