HIGHLIGHTS : തിരുവനന്തപുരം : കല്ലമ്പലത്ത് ദുരൂഹ സാഹചര്യത്തില് മരിച്ച നവവധു ആതിരയുടെ ഭര്തൃമാതാവിനെ തൂങ്ങിമരിച്ച നിലയില് കണ്ടെത്തി.കല്ലമ്പലം സുനിതാ ഭവനില് ശ്യ...
തിരുവനന്തപുരം : കല്ലമ്പലത്ത് ദുരൂഹ സാഹചര്യത്തില് മരിച്ച നവവധു ആതിരയുടെ ഭര്തൃമാതാവിനെ തൂങ്ങിമരിച്ച നിലയില് കണ്ടെത്തി.കല്ലമ്പലം സുനിതാ ഭവനില് ശ്യാമളയാണ് മരിച്ചത്. വീടിനോട് ചേര്ന്നുള്ള മരത്തില് തൂങ്ങിമരിച്ച നിലയിലായിരുന്നു ശ്യാമളയെ കണ്ടെത്തിയത്.
ജനുവരി 15 നാണ് മരുമകള് ആതിരയെ വീട്ടിലെ കുളിമുറിയില് മരിച്ച നിലയില് കണ്ടെത്തിയത്. കൈ ഞരമ്പും കഴുത്തും മുറിച്ച് രക്തം വാര്ന്ന നിലയിലായിരുന്നു മൃതദേഹം.ആതിരയുടെ മരണം ആത്മഹത്യയെന്നായിരുന്നു പ്രാഥമിക നിഗമനമെങ്കിലും കൊലപാതകമെന്ന് ആരോപിച്ച് ബന്ധുക്കള് രംഗത്ത് എത്തിയിരുന്നു.
ഇക്കാര്യത്തില് അന്വേഷണം നടക്കുന്നതിനിടെയാണ് ആതിരയുടെ ഭര്തൃമാതാവിനെയും മരിച്ച നിലയില് കണ്ടെത്തിയിരിക്കുന്നത്.