HIGHLIGHTS : Farewell to Dheeraj, rest at Taliparamba
കണ്ണൂര്: ഇടുക്കി പൈനാവ് എന്ജിനിയറിങ് കോളജ് വിദ്യാര്ഥിയും എസ്എഫ്ഐ നേതാവുമായ ധീരജ് രാജേന്ദ്രന്റെ മൃതദേഹം സംസ്കരിച്ചു. പുലര്ച്ചെ രണ്ട് മണിയോടെയാണ് സംസ്കാരം നടത്തിയത്. തളിപ്പറമ്പിലെ ധീരജിന്റെ വീടിനോട് ചേര്ന്ന് സിപിഎം വാങ്ങിയ എട്ട് സെന്റ് സ്ഥലത്താണ് സംസ്കാരം നടത്തിയത്. ചൊവ്വാഴ്ച രാവിലെ സിപിഎം ഇടുക്കി ജില്ലാ കമ്മിറ്റി ഓഫിസിലും ധീരഡ് പഠിച്ചിരുന്ന കോളേജിലും പൊതുദര്ശനത്തിന് വെച്ച ശേമാണ് മൃതദേഹം വിലാപയാത്രയായി ഉച്ചയോടെ ജന്മനാടായ കണ്ണൂരിലേക്ക് കൊണ്ട് പോയത്.
രാത്രി 12.30ന് തളിപ്പറമ്പ് സിപിഎം ഏരിയ കമ്മിറ്റി ഓഫ്സില് എത്തിച്ചു. ആയിരങ്ങളാണ് ധീരജിന് യാത്രാമൊഴി നല്കാന് ഇവിടെ തടിച്ചുകൂടിയത്. അന്തിമ കര്മങ്ങള് ചെയ്യുന്നതിനായി വീട്ടിലെത്തിച്ച് ബന്ധുക്കള്ക്ക് വിട്ടുനല്കുകയായിരുന്നു.
ഇടുക്കിയില് നിന്ന് തളിപ്പറമ്പ് വരെ ആയിരക്കണക്കിനാളുകളും പാര്ട്ടി പ്രവര്ത്തകരും കാത്തുനിന്നു. പൊചുദര്ശനം നിശ്ചയിച്ചിരുന്ന ഓര കേന്ദ്രങ്ങളിലും ജനക്കൂട്ടം വിചാരിച്ചതിലും അതികമായി എത്തിയതോടെയാണ് അഞ്ച് മണിക്ക് നടത്താന് നിശ്ചയിച്ചിരുന്ന സംസ്കാരം രാത്രി വൈകാന് കാരണം.
കഴിഞ്ഞ തിങ്കളാഴ്ചയായിരുന്നു അവധി കഴിഞ്ഞ് ധീരജ് ഇടുക്കിയിലേക്ക് മടങ്ങിപ്പോയത്. മരണത്തിന് തലേദിവസം രാത്രിയും വീട്ടില് ഫോണ് വിളിച്ചിരുന്നു. തളിപ്പറമ്പില് എല്ഐസി ഏജന്റായ അച്ഛന് രാജേന്ദ്രന് തിരുവനന്തപുരം പാലോട് സ്വദേശിയാണ്. ധീരജിന്റെ അനുജന് അദ്വൈത് തളിപ്പറമ്പ് സര് സയ്യിദ് ടെക്നിക്കല് ഇന്സ്റ്റിറ്റ്യൂട്ടില് ഒന്നാം വര്ഷ ബിരുദ വിദ്യാര്ത്ഥിയാണ്. കുടുംബമായി വര്ഷങ്ങളായി തളിപ്പറമ്പിലാണ് താമസം.