HIGHLIGHTS : Fake certificate controversy: Nikhil Thomas sacked by SFI
തിരുവനന്തപുരം: വ്യാജ സര്ട്ടിഫിക്കറ്റ് വിവാദത്തില് ഉള്പ്പെട്ട
കായംകുളം മുന് ഏരിയാ സെക്രട്ടറി നിഖില് തോമസിനെ എസ്എഫ്ഐ പുറത്താക്കിയതായി എസ്.എഫ്.ഐ സംസ്ഥാന പ്രസിഡന്റ് കെ അനുശ്രീ, സെക്രട്ടറി പി.എം ആര്ഷോ എന്നിവര് പ്രസ്താവനയിലൂടെ അറിയിച്ചു.
ഇന്നലെ പരിശോധിച്ച് ബോധ്യപ്പെട്ടത് സര്വകലാശാല രേഖ മാത്രം. സംഘടനാ ഘടകങ്ങളില് നിന്നും മാറ്റി നിര്ത്തിയതും ആരോപണങ്ങള് കാരണം. സംഘടനയെ നിഖില് തെറ്റിദ്ധരിപ്പിച്ചു എന്നും എസ്.എഫ്.ഐ സംസ്ഥാന പ്രസിഡന്റ് കെ അനുശ്രീ, സെക്രട്ടറി പി.എം ആര്ഷോ എന്നിവര് പ്രസ്താവനയിലൂടെ അറിയിച്ചു.
എസ്.എഫ്.ഐ കായംകുളം മുന് ഏരിയാ സെക്രട്ടറി നിഖില് തോമസിന്റെ ഡിഗ്രി സര്ട്ടിഫിക്കറ്റുമായി ബന്ധപ്പെട്ട ആക്ഷേപം ഉയര്ന്നതിനെ തുടര്ന്ന് അദ്ദേഹത്തോട് വിശദീകരണം ആവശ്യപ്പെടുകയും ചെയ്തു. എന്നാല് സംഘടനയെ പൂര്ണമായും തെറ്റിദ്ധരിപ്പിക്കുന്ന രീതിയിലാണ് അദ്ദേഹം വിശദീകരണം നല്കിയത്. അദ്ദേഹം നല്കിയ സര്ട്ടിഫിക്കറ്റുകളില് കേരള യൂണിവേഴ്സിറ്റിയുടെ എലിജിബിലിറ്റി സര്ട്ടിഫിക്കറ്റിനെ സംബന്ധിച്ചു മാത്രമാണ് എന്തെങ്കിലും പരിശോധന നടത്തുവാനുള്ള സാധ്യത എസ്.എഫ്.ഐക്ക് മുമ്പില് ഉണ്ടായിരുന്നത് . ഇത് പരിശോധിച്ച സമയത്ത് കേരള യൂണിവേഴ്സിറ്റിയുടെ എലിജിബിലിറ്റി സര്ട്ടിഫിക്കറ്റ് ഒറിജിനലാണെന്ന് ബോധ്യപ്പെടുകയും ചെയ്തു.
എന്നാല് കലിംഗ യൂണിവേഴ്സിറ്റിയില് റെഗുലറായി കോഴ്സ് പൂര്ത്തീകരിക്കാന് നിഖില് തോമസിന് എങ്ങനെ സാധിച്ചു എന്ന ആശങ്ക എസ്.എഫ്.ഐ സംസ്ഥാന കമ്മിറ്റിക്ക് ഉണ്ടായിരുന്നു. അത് മാധ്യമങ്ങളോട് പങ്കുവെച്ചതുമാണ്. ഇത് സംബന്ധിച്ച് പരിശോധന നടത്താന് കലിംഗ യൂണിവേഴ്സിറ്റിയില് വിവരാവകാശം നല്കുക മാത്രമായിരുന്നു എസ്.എഫ്.ഐയുടെ മുന്പിലുള്ള മാര്ഗം. ഇതും മാധ്യമപ്രവര്ത്തകരോട് വിശദീകരിച്ചതാണ്. എന്നാല് പിന്നീട് പുറത്തുവന്ന വാര്ത്തകള് പ്രകാരം നിഖില് തോമസ് കലിംഗ യൂണിവേഴ്സിറ്റിയിലെ വിദ്യാര്ത്ഥി ആയിരുന്നില്ല എന്നാണ് മനസ്സിലാക്കാന് സാധിക്കുന്നത്- എസ്എഫ്ഐ നേതൃത്വം പറയുന്നു.
കേരളത്തിന് പുറത്തുള്ള പല യൂണിവേഴ്സിറ്റികളുടെയും പേരില് വ്യാജ സര്ട്ടിഫിക്കറ്റുകള് നിര്മ്മിച്ച് നല്കുന്ന ഏജന്സികള് കേരളത്തിന് അകത്തും പുറത്തും പ്രവര്ത്തിക്കുന്നുണ്ട്. ഇത് രാജ്യമാകെ പടര്ന്ന് കിടക്കുന്ന മാഫിയാ സംഘമാണ്. ഇത്തരം മാഫിയാ സംഘത്തിന്റെറെ സഹായത്തോടെ സര്ട്ടിഫിക്കറ്റ് നിര്മ്മിക്കുന്ന ഒട്ടനേകം ചെറുപ്പക്കാരില് ഒരാളായി നിഖില് തോമസും മാറി എന്നു വേണം മനസ്സിലാക്കാന്. ഒരിക്കലും ഒരു എസ്.എഫ്.ഐ പ്രവര്ത്തകന് ചെയ്യാന് പാടില്ലാത്ത പ്രവര്ത്തനമാണ് നിഖില് തോമസ് ചെയ്തത്- എസ്.എഫ്.ഐ സംസ്ഥാന പ്രസിഡന്റ് കെ അനുശ്രീ, സെക്രട്ടറി പി.എം ആര്ഷോ എന്നിവര് പ്രസ്താവനയിലൂടെ അറിയിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു