തിരുവനന്തപുരം: നായയില് നിന്നുള്ള കടിയേറ്റ് കോട്ടയം മെഡിക്കല് കോളേജ് ആശുപത്രിയില് ചികിത്സയിലുള്ള കുട്ടിയ്ക്ക് (12) വിദഗ്ധ ചികിത്സ ഉറപ്പാക്കാന് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി. വിവിധ വകുപ്പുകളെ ഏകോപിച്ചുകൊണ്ട് അടിയന്തരമായി മെഡിക്കല് ബോര്ഡ് രൂപീകരിക്കാനും മന്ത്രി നിര്ദേശം നല്കി. മെഡിക്കല് വിദ്യാഭ്യാസ വകുപ്പ് ഡയറക്ടര്ക്കാണ് മന്ത്രി നിര്ദേശം നല്കിയത്.
രണ്ടാഴ്ച മുമ്പാണ് പാല്വാങ്ങാന് പോയ 12 വയസ്സുകാരിക്ക് തെരുവ് നായയുടെ കടിയേറ്റത്. കുട്ടിയുടെ കൈയിലും ശരീരത്തിലും ആകെ ഒമ്പതിലേറെ കടിയേറ്റിട്ടുണ്ട്.
പത്തനംതിട്ട ജനറല് ആശുപത്രിയില് പ്രവേശിപ്പിച്ച കുട്ടിയെ സ്ഥിതി ഗുരുതരമായതോടെ ഇന്നലെ രാത്രി കോട്ടയം മെഡിക്കല്കോളേജ് ആശുപത്രിയിലേക്ക് മാറ്റിയിരിക്കുകയാണ്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
