തദ്ദേശ സ്ഥാപനങ്ങളിലെ അധ്യക്ഷ പദവി സംവരണത്തിന്റെ ഹൈക്കോടതി സിംഗിള് ബെഞ്ച് ഉത്തരവ് റദ്ദാക്കി ഡിവിഷന് ബെഞ്ച്. സംവരണ സീറ്റുകള് റൊട്ടേഷന് പ്രകാരം വേണമെന്ന് സിംഗിള് ബെഞ്ച് നേരത്തെ ഉത്തരവിട്ടിരുന്നു.
സിംഗിള് ബെഞ്ച് പുറപ്പെടുവിച്ച ഉത്തരവ് തെരഞ്ഞെടുപ്പ് പ്രവര്ത്തനത്തെ ബാധിക്കുമെന്ന് തെരഞ്ഞെടുപ്പ് കമ്മീഷനും സംവരണത്തില് സര്ക്കാരിന് തീരുമാനമെടുക്കാമെന്ന് സര്ക്കാരും ഹൈക്കോടതിയില് അപ്പീലിലൂടെ അറിയിക്കുകയായിരുന്നു. ഇത് അംഗീകരിച്ചുകൊണ്ടാണ് ഹൈക്കോടതിയുടെ നടപടി.
തെരഞ്ഞെടുപ്പുമായി ബന്ധപ്പെട്ട എല്ലാ നടപടികളും പൂര്ത്തിയായതായി തെരഞ്ഞെടുപ്പ് കമ്മീഷന് കോടതിയെ അറിയിച്ചു. സിംഗിള് ബെഞ്ച് ഉത്തരവ് നടപ്പിലാക്കിയാല് തദ്ദേശ സ്ഥാപനങ്ങളിലെ സംവരണം 50 ശതമാനത്തില് താഴേയ്ക്ക് പോകുമെന്നും തെരഞ്ഞെടുപ്പ് കമ്മീഷന് ചൂണ്ടിക്കാട്ടി. ഇത് അംഗീകരിച്ചാണ് സിംഗിള് ബെഞ്ച് ഉത്തരവ് റദ്ദാക്കിയത്.
